Ўзбек шоу-бизнеси вакиллари оддий одамлар бир неча йил ишлаб, уй ва машина оладиган пулига битта кийим ва тақинчоқ харид қилиши мумкинлигини оммадан яширмайди. Масалан, Ўзбекистоннинг биринчи президенти Ислом Каримовнинг невараси Марям Тиллаева Тошкентда бир нечта ҳовли берадиган пулга тақинчоқ олиб, Канн кинофестивалининг қизил йўлагидан ўтган. Қуйида машҳурлар гардеробининг энг қиммат элементлари ҳақида сўз боради.
Марям Тиллаева
Кўплаб миш-мишлар қуршовида юрадиган инстаблогер Марям Тиллаева YouTube каналларининг бирига берган интервьюсида Канн кинофестивалининг қизил йўлакчасида таққан тақинчоқлар тўпламининг умумий баҳоси 700 000 долларга тенг эканини айтган.
Юлдуз Усмонова
Ўзбекистон халқ артисти Юлдуз Усмонова Instagram саҳифасида гардеробидаги бир кўйлагининг нархи 2 000 долларга тенг эканини айтган. Хонанда шунингдек оддий кийингани билан сифатли, бренд либосларни кийишини ва бу ҳашаматли кийинишдан қимматга тушиши ҳақида гапирган.
Аҳад Қаюм
Акёр, режиссёр, продюсер Аҳад Қаюм интервьюларининг бирида бошдан оёқ кийиниши 8000 долларга (89 миллион) тушишини, гардеробидаги энг қиммат кийими пальтолари эканини ва бу кийимларни Тошкентдан топиб бўлмаслигини, қиймати эса 10-12 000 доллар ошишини айтган. Айнан ўша интервьюда кийган оёқ кийимини 1 500 доллар (16 миллион), шимини 1 000 доллар, пиджагини 2 000 доллар, қора кўйлагини 1 000 доллар, кўзойнагини 1 500 долларга олганини маълум қилган.
Юлдуз Турдиева
Хонанда Юлдуз Турдиева эса тўйларда икки-уч кун битта костюмда қўшиқ куйлагани учун Instagram кузатувчиларининг танқидларига сабаб бўлган эди. Хонанда шундан кейин салбий изоҳ ёзган обуначиларига эгнидаги оддий эмас, Balmain брендига тегишли бўлган, қиймати 3 минг долларлик костюм экани ҳақида гапирган.
«Халқ хизматида юрган пайтимдан пост жойлагандим. Баъзи опа-сингилларимиз: ‘Бир неча кундан буён битта костюмда юриб исиб кетмадингизми?’, — дейишибди. Биринчидан, бу ўзимга ёқади, Balmain брендининг пиджаки ва бир неча йиллик орзум. Ҳаво иссиқми-совуқми ўзимга ёққан кийимни кияман, сиз қўшиқларимни тингланг», — деган хонанда.
Зарина Низомиддинова
Латофатли актриса Зарина Низомиддинова «Shok.uz» YouTube каналига берган интервьюсида гардеробидаги турмуш ўртоғи Москвада совға қилган кроссовка 1 200 доллар, сумкаси эса 1 000 доллар туришини айтган.
Мавзуга доир:
- 50 минг долларлик аравача, олмос курси, олтин шақилдоқ — машҳурларнинг фарзандларига совға қилган энг қимматбаҳо буюмлари (фото).
- «Қўлимга 11 минг сўм беришганида мендан бахтли одам йўқ эди». Асал Шодиева, Йигитали Мамажонов ва бошқа машҳурларнинг илк даромади ҳақидаги хотиралари.
- Сумка, маржон ва кўзойнак: Машҳурларнинг битта квартира нархига тенг қимматбаҳо аксессуарлари (фото).
- 500 миллиондан 80 миллиард долларгача: Машҳурларнинг жуда қимматга тушган ажрашишлари (фото).
Изоҳ (0)