“Choliqushi” serialida Feride obrazini mahorat bilan ijro etgan turk aktrisasi Fahriye Evjenning hayoti va ijodi haqidagi ma’lumotlar ko‘plab muxlislarni qiziqtiradi. “Lisa.ru” nashri dunyoga mashhur aktrisa haqidagi qiziqarli ma’lumotlarni taqdim etdi.
Aktrisaning ota-onasi haqida
Fahriye Evjen Germaniyaning Solingen shahrida tug‘ilgan. Otasining millati turk, Germaniyaga yunon Saloniki shahridan kelgan, onasi cherkes millatiga mansub.
Sportga qiziqish
Evjen maktab yillarida sport bilan faol shug‘ullangan va hatto basketbol jamoasida himoyachi bo‘lgan.
Kasb tanlovi
Shu bilan birga, Fahriye teatr guruhiga bordi va sahnaga chiqdi, biroq o‘sha paytda u aktyorlik karyerasi haqida o‘ylamagan edi. Bo‘lajak aktrisa maktabni bitirgandan so‘ng Dyusseldorfdagi Geynrix Geyn universitetiga o‘qishga kirdi va u yerda sotsiologiyani o‘rgandi.
Kino olamidagi ilk qadam
Aktrisa o‘qishni yoqtirmagan va 19 yoshida u onasi bilan Turkiyaga ta’tilga boradi. Rejissorlar unga e’tibor qaratishadi va “Hech qachon unutma” teleserialidan kichik rol taklif qilishadi. Shundan so‘ng Evjen o‘z hayotini kino bilan bog‘lamoqchi ekanini tushunib yetadi. U universitetni tashlab, Istanbulga ko‘chib o‘tadi va aktyorlik karyerasini qura boshlaydi.
Oliy ma’lumotli aktrisa
Shunga qaramay, aktrisa Turkiyada Bosfor institutining tarix fakultetida tahsil olgan.
Mashhurlik keltirgan roli
2013-yilda “Xazonrezgi” seriali orqali mashhurlikka erishgan aktrisaga “Muhtasham yuz yil” tarixiy serialidagi roli bilan tomoshabinlarga tanish bo‘lgan aktyor Burak O‘zchivit bilan ishtirok etishi kerak bo‘lgan “Choliqushi” serialidagi bosh rol taklif etildi. Shundan keyin Fahriye Evjen Turkiyada eng talabgir aktrisalaridan biriga aylandi.
Turk aktyori bilan ishqiy munosabat
Fahriye Burak bilan uchrashishidan oldin hamkasbi O‘zjan Deniz bilan munosabatda bo‘lgan. Ularning munosabati shu qadar jiddiy ediki, hatto turmushga chiqmoqchi bo‘ldi, biroq O‘zjan boshqa aktrisa bilan munosabatda bo‘lgani uchun to‘y haqidagi fikrlar muvaffaqiyatsizlikka uchradi.
Baxtli hayot
“Choliqushi” serialining suratga olish jarayonlari paytida Evjen va O‘zchivitning bir-biriga nisbatan ishqiy tuyg‘ulari yo‘q edi, chunki aktyor o‘sha paytda boshqa qiz bilan munosabatda bo‘lgan va aktrisa Deniz bilan ajrashgan. Oradan ikki yil o‘tgach, ular sevishganlar rolini ijro etgan “Sevgi senga o‘xshaydi” dramasida yana uchrashdi.
Bu loyihadan keyin Fahriye va Burak ajrashmadi. Juftlik film premyerasida birga qo‘l ushlashib paydo bo‘ldi va ularning yaxshi munosabatda ekaniga hech kimda shubha qilmadi. Turkiyaning eng go‘zal juftliklaridan biri Fahriye Evjen va Burak O‘zchivit turmush qurdi, oradan ikki yil o‘tib, ularning o‘g‘li Karan dunyoga keldi.
Aktrisaning turmush o‘rtog‘i bilan munosabati
Evjen Burak O‘zchivit u butun umri davomida izlagan umr yo‘ldoshi ekanini aytgan. “Eng muhimi, hayotimda men uchun hamma narsa bo‘lgan inson bor. Uni pul bilan o‘lchab bo‘lmaydi. Burakka bo‘lgan muhabbatim ishimga juda ijobiy ta’sir qiladi. Men u bilan har qanday masalada maslahatlashishni yaxshi ko‘raman, uning fikri va qarorlariga juda ishonaman”, — deydi aktrisa.
Ko‘p farzandli oilaning orzusi
Turk kino yulduzi ko‘p farzandli oilada o‘sgan — aktrisa ota-onasining to‘rtinchi va kenja qizi. Mish-mishlarga ko‘ra Burak va Fahriye egizak farzandli bo‘ladi va shuningdek uch nafar farzandning ota-onasiga aylanadi.
Fahriye Evjen qaysi tillarni biladi?
Evjen poliglot hisoblanadi. U turk va ingliz tili, shuningdek, nemis va ispan tillarini ham yaxshi biladi.
Vokal bo‘yicha ma’lumotlari
Fahriye xonanda bo‘lishi ham mumkin edi, chunki uning ovozi juda yaxshi. Biroq u xonandalik karyerasi haqida o‘ylamaydi.
Mavzuga doir:
- Maryam Uzerli, Fahriye Evjen va boshqa turk aktrisalari qanday uylarda yashaydi? (foto).
- Hande Erchel, Fahriye Evjen va vazn yo‘qotib, tanib bo‘lmas darajada o‘zgargan boshqa turk aktrisalari (foto).
- Turk kinosining yulduzli juftligi Burak O‘zchivit va Fahriye Evjen egizak farzand kutmoqda.
- Sharq malikalari: Xande Erchel, Fahriye Evjen hamda boshqa eng mashhur turk aktrisalarining hashamatli uylari (foto).
Izoh (0)