Замбия Ташқи ишлар вазирлиги Москва чеккасидаги қамоқхоналардан бирида қамоқ жазосини ўтаётган фуқароси Украинадаги урушда ҳалок бўлганини маълум қилди. Бу ҳақда BBC рус хизмати хабар берди.
ТИВ баёнотига кўра, 23 ёшли Лемехани талабаси Натан Нйиренда 22 сентябрь куни Украинада жанг майдонида ҳалок бўлди. Унинг жасади ҳозир Ростовда ва тез орада Замбияга юборилади. Замбия Ташқи ишлар вазирлиги унинг қандай жиноят учун айбланганига аниқлик киритмади, бироқ 2020 йил апрелида у 9,5 йил қамоқ жазосига ҳукм қилинганини хабар қилди. Бунгача Нйиренда Москва муҳандислик-физика институтида ядровий иншоотларни лойиҳалашни ўрганганди.
Воқеаларнинг аянчли ривожланиши фонида Замбия Россия ҳукуматидан Москвада қамоқ жазосини ўтаётган фуқароси Украинадаги урушга қандай жалб этилгани ва ҳалок бўлгани ҳақида зудлик билан маълумот беришни талаб қилди.
Украинада 9 000 га яқин рус аскари ҳалок бўлган, уларнинг 150 дан ортиғи сафарбар этилганлардир. Россия ҳарбийлаштирилган бўлинмалари таркибида жанг қилган 47 маҳбуснинг ўлими ҳам тасдиқланган.
Изоҳ (0)