Ukraina moliya vaziri Sergey Marchenko Kiyev noyabr va dekabr oylarida xorijiy hamkorlardan 7,8 milliard dollar olishni kutayotganini bildirdi, deb yozadi “RIA Novosti”.
“Noyabrda qariyb 4,8 milliard dollar kutmoqdamiz, dekabrda esa tashqaridan moliyalashtirish taxminan 3 milliard dollarni tashkil etadi”, — deydi Marchenko.
Uning so‘zlariga ko‘ra, sentabr va oktabr oylarida moliyalashtirishning bunday darajasi haqida gapirilganida, vaziyat ancha ijobiy tomonga rivojlangan bo‘lardi, ammo hozir vaziyat “biroz murakkabroq”, chunki noyabr va dekabr oylarida xarajatlar eng yuqori nuqtasiga chiqadi. Vazirning qayd etishicha, Ukraina hukumati noyabr va dekabr oylarini og‘riqsiz o‘tkazish va barcha zarur xarajatlarni qoplash uchun “barcha imkoniyatlarni” qidirmoqda.
Avvalroq Marchenko 2023-yilda davlat byudjeti taqchilligini kamaytirish uchun 38 milliard dollarga baholangan davlatga qo‘shimcha tashqi moliyalashtirish zarurligi haqida aytgan edi.
Izoh (0)