Qashqadaryo viloyatining Dehqonobod tumanida elektr tokisiz yashab kelayotgan aholi xonadonlariga nur kirdi. Aholi yashovchi qishloq elektrlashtirildi. Bu haqda “Daryo”ga “Hududiy elektr tarmoqlari” AJ axborot xizmati rahbari Faxriddin Nuraliyev xabar berdi.
Ma’lum bo‘lishicha, mas’ullar harakati bilan Dehqonobod tumanining eng olis va og‘ir hududlaridan biri “O‘zbekiston” MFY Eski Qorashina qishlog‘ida yashovchi aholi xonadonlarini elektrlashtirish maqsadida 2 dona transformator punkti o‘rnatilgan.
Shuningdek, “O‘zbekiston” MFY Konsoy qishlog‘idagi aholi xonadonlarining elektr ta’minotini yaxshilash maqsadida 1 dona transformator punkti o‘rnatildi. Elektr uzatish tarmog‘ini tortish uchun 62 dona temir-beton ustunlari o‘rnatildi. Hozirda elektr tarmoqlarida qurilish montaj ishlari olib borilmoqda, — deydi Faxriddin Nuraliyev.Mas’ulning qo‘shimcha qilishicha, Shahrisabz tumanining eng olis va og‘ir hududlaridan biri “Hisorak” MFY Duob qishlog‘i va “Polmon” MFY Polmon qishloqlarida yashovchi aholi xonadonlarining elektr ta’minotini yaxshilash maqsadida ham 1 dona transformator punkti o‘rnatilgan.
Tumanning “Toshbuloq” mahallasidagi aholi xonadonlarining elektr ta’minotini yaxshilash maqsadida 19 dona temir-beton ustun o‘rnatildi. 0,87 km uzunlikdagi elektr uzatish tarmoqlari qurildi. Kitob tumanining eng olis va og‘ir hududlaridan biri “Qaynar”, “Samarqand”, “Qashqadaryo” va “Paxtaobod” mahallalarida yashovchi aholi xonadonlarining elektr ta’minotini yaxshilash maqsadida 4 dona transformator punkti o‘rnatildi, — deydi mas’ullar.
Mavzuga doir: Toshkentdagi ko‘chada qisqa tutashuv yuz berdi
Izoh (0)