Gollivudning taniqli aktyori Rayan Reynolds to‘rtinchi farzandi ham qiz bo‘lishiga umid qilmoqda. 46 yoshli kanadalik aktyor o‘g‘il farzand tarbiyalashdan “umidini uzdi”, deb yozadi The Voice Mag.
Aktrisa Bleyk Layvlining turmush o‘rtog‘i to‘rtinchi farzandi ham qiz bo‘lishidan umidvor. Rayan hozirda uch nafar qizning otasi va ular bilan qanday munosabatda bo‘lishni biladi.
“Men qizlarimni tushunaman, shuning uchun yana qiz tug‘ilishiga umid qilaman. Lekin hamma narsaga tayyorman! Biz bolaning jinsini tug‘ilmaguncha bilmaymiz, deb qaror qildik”, — deydi Rayan.
2022-yil nikohining 10 yilligini nishonlagan juftlik uch nafar farzandni tarbiyalamoqda: 7 yoshli Jeyms, 6 yoshli Inez va 3 yoshli Betti.
“Qizil xabarnoma” filmining aktyori o‘zi oilada kenja farzand ekani va tug‘ilajak bola uchun bu qanchalik qiyin bo‘lishini hamma biladi. “Katta akalarim o‘t qo‘yuvchilar, men esa o‘t o‘chiruvchi bo‘lganman. Shu tufayli men qanday qilib qizlar uchun mukammal ota bo‘lishni angladim”, — deydi Reynolds.
Eslatib o‘tamiz, Bleyk Layvlining to‘rtinchi bor homiladorligi 2022-yil sentyabr oyining o‘rtalarida ma’lum bo‘ldi. Juftlikning to‘rtinchi farzandi taxminan 2023-yilning fevral—mart oylarida dunyoga keladi.
Izoh (0)