Jeki Chan kambag‘al oilada tug‘ilgan, ammo har kuni mashq qilish orqali aktyor o‘z karyerasida haqiqiy cho‘qqilarni zabt eta oldi va dunyoga mashhur yulduzga aylandi.
Yoshligidan jang san’ati aktyor hayotining muhim qismi bo‘lgan
Jeki Chan 1954-yilda Gonkongda tug‘ilgan. O‘sha vaqtda ota-onasi chaqaloqni tug‘dirgan shifokorga pul to‘lay olmay, do‘stlaridan qarz olishga majbur bo‘ladi. Yoshligidayoq Chan otasi bilan kung-fu mashq qilish uchun erta uyg‘onishga odatlanadi. Ko‘p o‘tmay uning otasi Avstraliyada ishga joylashadi va Jeki Gonkongda qoladi — bu yerda Xitoy teatr akademiyasining Pekin opera maktabida tahsil oladi. Keyingi o‘n yil ichida u ota-onasini kamdan-kam ko‘radi.
U kun bo‘yi jang san’ati bilan shug‘ullangan
Intervyuda Chan 6 yoshida maktabga borganini va har kuni ertalab soat 5 da uyg‘onganini, shundan so‘ng qo‘lida 2 stakan suv ushlab, bir tomchi ham to‘kmasdan yugurishi kerakligini eslaydi. Agar topshiriq bajarilmasa, o‘qituvchilari uni jazolashgan. Jazo sifatida u 1 soat davomida qo‘lda mashq bajarishi va jang san’ati bilan tinmay shug‘ullanishi kerak edi.
Jeki kaskadyor sifatida ishlay boshlaydi
Bryus Lidan musht yeyish ham o‘sha paytda men uchun sharaf edi!
Keyinchalik u qurilish va restoranda ham ishlaydi, lekin o‘zini baxtli his qilmaydi. 1976-yilda aktyor Villi Channing menejeridan telegramma oladi — u Jekining “G‘azabning yangi mushti” filmida rol o‘ynashga taklif qiladi. Aynan shu daqiqada aktyorning hayoti tubdan o‘zgaradi. Shunda ham Jeki xavfli tryuklarni o‘zi bajarishda davom etadi. Suratga olish ishlari 7 kun davom etgan “A loyihasi” filmida bir o‘limdan qoladi — u soat minorasidan yerga yiqiladi, shu sababli 2 yil davomida bo‘yni og‘rib yuradi.
Jeki Chan juda muvaffaqiyatli va sevimli aktyorga aylandi
Chan Osiyoda katta muvaffaqiyatga erishdi, ammo Amerikada tan olinishi biroz qiyinroq bo‘ldi. “Bronksdagi mushtlashuv” filmi katta muvaffaqiyatga erishgachgina Jeki yulduz deb tan olinadi. Keyinchalik aktyor yana bir qancha blokbasterlarda, jumladan, “Tig‘iz vaqt”, “Shanxaydagi kun” va “Karatechi bola” filmlarida suratga tushdi. 2016-yilda Chan kinoga qo‘shgan ulkan hissasi uchun faxriy “Oskar” bilan taqdirlandi. O‘shanda Chan shunday degan:
Bu sahnada turish – orzu edi. 56 yil kino sanoatida 200 dan ortiq filmlarda bosh rolni ijro etganim va ko‘p marta suyaklarim singanidan so‘ng, nihoyat orzum amalga oshdi.Hamkasblari ham uni juda yaxshi ko‘radi
“Ajdaho muhrining siri” filmida 2 ta afsonaviy aktyor — Bryus Li va Jeki Chan birgalikda suratga tushgan. Aktyorlar tasodifan bir-birlari bilan uchrashib qolganida ijtimoiy tarmoqdagi sahifalarida yuqoridagi suratni bo‘lishdi. Chan bu haqda shunday deb yozdi: “Qadrdon do‘stim bilan uchrashganimdan juda xursandman! U tirik afsona”. Arnold Shvarsenegger ham surat bilan bo‘lishib, shunday degan: “Qadrdon do‘stim va qahramonimni ko‘rganimdan xursandman. U men uchun afsonaviy aktyor va ilhom manbayimdir”.
Kris Taker ham yuqoridagi fotosuratni joylashtirib, shunday izoh yozdi: “Do‘stim Jeki Channi faxriy Oskar bilan tabriklayman!”. Krisning ta'kidlashicha, “Tig‘iz vaqt” filmida rol o‘ynashayotganda ikkalasi ham Gollivudda o‘zlarini begonadek his qilishgan, ammo ular bir-birlari bilan bemalol chiqishib ketgan va doimo shumlik qilishgan: “Jeki menga “Hazil qil. Shunda film yanada tabiiy chiqadi”, derdi.
Chan xayriya tashkilotlari bilan faol hamkorlik qiladi. U UNICEF elchisi sifatidagi vazifasiga juda jiddiy yondashadi va bo‘sh vaqtlarida bolalar, muhtojlar va qariyalar farovonligi yo‘lida tinmay mehnat qiladi.
Mavzuga doir:
Izoh (0)