Голливуднинг таниқли актёри Райан Рейнолдс тўртинчи фарзанди ҳам қиз бўлишига умид қилмоқда. 46 ёшли канадалик актёр ўғил фарзанд тарбиялашдан «умидини узди», деб ёзади The Voice Mag.
Актриса Блейк Лайвлининг турмуш ўртоғи тўртинчи фарзанди ҳам қиз бўлишидан умидвор. Райан ҳозирда уч нафар қизнинг отаси ва улар билан қандай муносабатда бўлишни билади.
«Мен қизларимни тушунаман, шунинг учун яна қиз туғилишига умид қиламан. Лекин ҳамма нарсага тайёрман! Биз боланинг жинсини туғилмагунча билмаймиз, деб қарор қилдик», — дейди Райан.
2022 йил никоҳининг 10 йиллигини нишонлаган жуфтлик уч нафар фарзандни тарбияламоқда: 7 ёшли Жеймс, 6 ёшли Инез ва 3 ёшли Бетти.
«Қизил хабарнома» фильмининг актёри ўзи оилада кенжа фарзанд экани ва туғилажак бола учун бу қанчалик қийин бўлишини ҳамма билади. «Катта акаларим ўт қўювчилар, мен эса ўт ўчирувчи бўлганман. Шу туфайли мен қандай қилиб қизлар учун мукаммал ота бўлишни англадим», — дейди Рейнолдс.
Эслатиб ўтамиз, Блейк Лайвлининг тўртинчи бор ҳомиладорлиги 2022 йил сентябр ойининг ўрталарида маълум бўлди. Жуфтликнинг тўртинчи фарзанди тахминан 2023 йилнинг февраль—март ойларида дунёга келади.
Изоҳ (0)