Bollivudda o‘z o‘rniga ega bo‘lgan Kapurlar sulolasining yana bir mashhur vakillaridan biri, aktrisa Karina Kapur opasi Karishmaga qaraganda kino olamda ko‘proq muvaffaqiyatga erishdi. Karishmada iqtidor, Karinada esa ishbilarmonlik bor. Aktrisa Karishma Kapur bobosi Raj Kapurning sehrli “yorqin” ko‘zlarini meros qilib olgan bo‘lsa ham na muxlislar tomonidan qo‘llab-quvvatlandi va na e’tirofga sazovor bo‘ldi.
Karishma shou-biznes oqimiga tashlab qo‘yildi, va u o‘zi suzishga yoki cho‘kishga majbur bo‘ldi. Karishma o‘zining iqtidorli ekanligini isbotlab, yuqori cho‘qqiga ko‘tarilishi bilanoq, turmushga berishdi.
Biroq Karina hech kimga o‘zining hayotini fojiaga aylantirishga ruxsat bermadi. Birinchidan, uni himoya qiladigan opasi bor edi. Karishma kunlab tinmay mehnat qilib, singlisining eng nufuzli maktablarga borishiga, eng yaxshi kiyim-kechak va sifatli ovqatlanishini nazorat qildi.
Karishma 16 yoshida, maktabni ham tugatmasdan kinosanoatga kirib kelgan, Karina esa 20 yoshida o‘rta maktabni tugatib, 3 oylik aktyorlik mahorati kursini o‘qidi va shundan keyin debyut qildi.
Qaysidir ma’noda Karina Kapur orzusidagi debyutga erishdi. Karina debyut filmida o‘sha paytda uning opasi bilan uchrashib yurgan Abhishek Bachchan hamda rejissor Jyoti Prakash Datta bilan hamkorlik qildi. “Rad etilganlar” filmida Anupum Kherdan tortib Sunil Datta va Jeki Shroff kabi mashhur aktyorlar ikkinchi darajadagi rollarni ijro etgan. U filmda yaxshi ishlashga harakat qildi. Film katta muvaffaqiyatga erishmagan bo‘lsa-da, tomoshabinlarning hafsalasini pir qilmadi.
Karinaning mashg‘ulotlari va debyutiga faqat Karishma sababchi bo‘ldi. Biroq birinchi filmni tanlash Karinaning o‘z qo‘lida edi. U 19 yoshida Abhishek Bachchan suratga tushayotgan “Rad etilganlar” yoki Ritik Roshan ishtirokidagi “Sevaman deb ayt” filmlarining birini tanlashi kerak edi. U aslida ikkinchi filmni tanlagandi, biroq Rakesh Roshan o‘g‘liga haddan ziyod e’tibor qaratayotgani uning roliga salbiy ta’sir ko‘rsatadi, deb hisoblab, bu loyihani rad etdi.
Bu noto‘g‘ri qaror bo‘lib chiqdi. “Sevaman deb ayt” kartinasi muvaffaqiyatga erishdi va “Rad etilganlar” filmi esa o‘rtacha natijani qayd etdi. Keyinchalik u Ritik bilan ko‘plab boshqa filmlarida birga rol ijro etgani va o‘zining birinchi loyihasida ham aktyor bilan suratga tushishi mumkinligini aytdi.
Biroq keyinchalik Karinaning tanlovlari to‘g‘ri bo‘lib chiqdi. Aktrisaning birinchi filmi u uchun ajoyib boshlanish bo‘ldi, chunki hech qanday bosim yo‘q edi. Karina Amisha Patel filmidagi debyutdan keyin yulduzga aylana olmadi va aslida bunday boshlanish uning karyerasida ham yuqorilash imkonini bermadi.
Aktrisa o‘z faoliyatidagi barcha ko‘tarilish va pasayishlarni bir o‘zi yengib chiqdi va buni ajoyib tarzda amalga oshirdi. Karina ham boshqa aktrisa va aktyorlar singari muvaffaqiyatsizlikka uchragan, biroq u hech qachon oilasining boshqa a’zolari qilgan dahshatli xatolarga yo‘l qo‘ymagan.
U opasi kabi faqat pul uchun filmlarda suratga tushmaydi, amakivachchasi Ranbir kabi travmatik muvaffaqiyatsizliklarga uchramagan va shaxsiy hayotida janjalli holatlar yo‘q. Aktrisa ijod qilishni yaxshi ko‘radi.
Karina Kapur Saif Ali Xon bilan turmush qurishidan oldin bir muddat Shahid Kapur bilan uchrashgan va ular munosabatlari haqida ochiq gapirdi, birgalikda tok-shou, tadbirlarga bordi. Keyinroq juftlik munosabatlari tugaganini ma’lum qildi va buni ommaviy axborot vositalaridan yashirmadi.
Muxlislar ham u Saif Ali Xon bilan uchrashishni boshlaganini darhol bilgan. Aktyor musulmon, ajrashgan va ikki farzandi bor, bundan tashqari, Karinadan o‘n yosh katta edi. Biroq juftlik o‘zini munosib tutdi, ularda uyaladigan hech narsa yo‘q edi. Insonlar juftlikni yaxshi ko‘rar edi, Saif va Karina munosabatlarni boshlagandan 5 yildan o‘tib turmush qurishdi. Hozirda ularning ikkita o‘g‘li bor va Karina filmlarda rol o‘ynashda davom etmoqda.
Mavzuga doir:
- Priyanka Chopra — Gollivud aktrisasining ovsini, Karina Kapur Garvardda o‘qigan. Bollivud yulduzlarini kutilmagan tomondan ko‘rsatuvchi faktlar.
- Karina Kapur va Saif Ali Xon ikkinchi o‘g‘liga qanday ism qo‘ygani ma’lum bo‘ldi.
- Ayshvariya Ray o‘rniga Karina Kapur, Shohrux Xon o‘rniga Salmon Xon: “Devdas” filmi haqida ko‘pchilikka noma’lum bo‘lgan qiziqarli ma’lumotlar (foto).
- Bollivudning eng mashhur juftliklaridan biri Saif Ali Xon va Karina Kapur ikkinchi marta ota-ona bo‘ldi.
Izoh (0)