Birgina so‘z bilan hamma narsa yaxshi yoki yomon tomonga o‘zgarib ketadi. Jahon kino olamida shunday yulduzlar borki, ularning ayrimlari birgina gaplari yangi loyihada suratga tushishiga sabab bo‘lsa, boshqa mashhurlar bir iborasi tufayli yaxshi filmlardagi rolidan mahrum bo‘lgan. Hayotda ikkinchi dubl bo‘lmaydi. Ba’zi aktyorlar haqiqatan ham muxlislarining xotirasidan ular uchun muvaffaqiyatsizlikka uchragan va butun faoliyatiga ta’sir qilgan muvaffaqiyatsiz loyihani o‘chirishni xohlashadi. Aynan o‘sha filmlarda rol o‘ynashi kerak bo‘lgan aktyorlar suratga olish maydonchasida boshqa hamkasblari bilan almashtirildi yoki kelajakda suratga tushmoqchi bo‘lgan filmlar uchun shartnomani bekor qildi.
Evanjelin Lilli
“Tirik qolish” seriali yulduzi Evanjelin Lillining pandemiyaga munosabati ijtimoiy tarmoqlarda keng muhokama qilindi. Ko‘plab mamlakatlarda insonlar koronavirus tarqalishining oldini olish uchun o‘z uylaridan chiqishmagan bo‘lsa, Evanjelin Lilli bunga amal qilmadi, bu ish nafaqat uning muxlislarini, balki hamkasblarini ham qattiq g‘azablantirdi. U bolalarni gimnastikaga olib borishini aytdi. Aktrisaning fikricha, ularning oilasi karantinga amal qilmaydi va umuman olganda, pandemiya o‘ylab topilgan ixtiro.
“Ba’zi insonlar hayotni erkinlikdan ko‘ra ko‘proq qadrlashadi. Ba’zilar hayotdan ko‘ra erkinlikni qadrlashadi. Hammamiz tanlov qilamiz”, — deb yozgan o‘sha paytda aktrisa.
Jamoatchilik tanqididan so‘ng uzr so‘rashga qaror qilgan aktrisa bunga yangi posti bilan munosabat bildirdi. Taxminlarga ko‘ra, bu xabar u tomonidan “umumiy isteriya davrida odamlarga xotirjamlik hissini berish” uchun yozilgan.
Lillining muxlislari uning bu ishini kechirmadi. Aktrisaning hamkasblari, jumladan, “Taxtlar o‘yini” seriali yulduzi Sofi Tyorner, u boshqa odamlarning hayotini xavf ostiga qo‘yishi va virusni yuqtirishi mumkinligini eslatdi. Marvel Studios ham bu holatga nisbatan jim turmadi va yangi loyiha uchun Evanjelin Lilli bilan shartnomani bekor qilmoqchi ekanini e’lon qildi. Karantin bilan bog‘liq mojarodan so‘ng, “Chumoli odam” filmida uning qahramonining ekran vaqti qisqartirildi. Janjaldan keyin aktrisa ijtimoiy tarmoqlarda kam ko‘rinish beradigan bo‘ldi. Uning kelajakdagi karyerasi qanday davom etishi hozircha noma’lum.
Megan Foks
“Transformerlar” muxlislari uchun filmning uchinchi qismida aktrisa Megan Foksning almashtirilishi haqiqiy zarba bo‘ldi. Megan Foks boshqa sayyoradan kelgan robotlar haqidagi filmdagi obraziga juda mos tushgan. Bu filmni tomosha qilish “Bamblbi” kartinasidan ham yoqimliroq.
Bu filmda uning o‘rniga butunlay boshqacha tashqi ko‘rinishga ega bo‘lgan sarg‘ish Rozi Hantington-Uaytlini olishgan. Keyinchalik, Rozi tomoshabinlar, tanqidchilardan yomon ijro uchun va har qanday tushunarsiz vaziyatda tanbeh oldi.
Ma’lum bo‘lishicha, professional aktrisa Foksni modelga almashtirish istagi shov-shuvli intervyudan so‘ng loyiha prodyuserlarida paydo bo‘lgan. U jurnalistlarga rejissor Maykl Bey ustidan shikoyat qilgan.
“U bilan ishlash — tirik do‘zaxda bo‘lish bilan barobar. U umuman muloqot qilishni bilmaydi. Haqiqiy hayotda beozor va zaif, biroq suratga olish jarayonlarida zolim. Biz “Transformerlar” filmini suratga olayotganda deyarli o‘lib qolardik”, — deydi u Wonderland Magazine jurnaliga bergan intervyusida. Shuningdek aktrisa loyiha ijodkorlarining aktrisa sifatida unga qo‘ygan g‘alati talablari – vazn orttirishi va qorayishi kerakligi haqida ham gapirgan.
Natijada, Megan Foks bilan shartnoma bekor qilindi. Dastlab u ishdan bo‘shatilganini rad etib, loyihani o‘z xohishi bilan tark etganini aytdi. Biroq Maykl Bey buni ikkala tomon ham istaganini ma’lum qildi. Filmning ijrochi prodyuseri Stiven Spilberg aktrisaning shov-shuvli chiqishidan xabar topgan zahoti qo‘ng‘iroq qilib: “Hozir uni ishdan bo‘shating”, — degan.
Shunisi e’tiborga loyiqki, Meganning filmdagi hamkasblari uni himoya qilishmagan. Aktrisaning muxlislaridan biri unga hech kim tanimagan aktrisaga faqat orzu qiladigan loyihada ishtirok etish imkoniyatini bergan Bey ekanligini eslatgan. Boshqa aktyorlar Megan bilan suratga olish maydonchasida ishlash tajribasini maroqli deb aytgan va ommaviy axborot vositalarida Foksning “kelajakdagi Anjelina Joli” degan bayonotlariga ular jilmayib “Ko‘ryapsizmi, Joli professional”, — deb javob berishgan.
Hartli Soyer
Aktyor “Flesh” filmining uchta mavsumida Ralf Dibni rolini o‘ynadi. Unda hamma narsa bor edi — pul, yangi muxlislar, ajoyib takliflar. Biroq Soyer loyihada ishtirok etishidan oldin uning yozilgan eski postlari ijtimoiy tarmoqlarda tarqalib ketgan.
Keyinchalik uning postlarida ayollar kamsitilgan va tahqirlangan deb hisoblandi. Bu esa muhokamalarga sabab bo‘ldi. Aktyor esa bu postlari uchun uzr so‘ragan.
“Mening so‘zlarim og‘ir va qabul qilib bo‘lmas edi. Men bu obrazdagi yomon urinish bilan e’tiborni jalb qilganimdan uyalaman”, — deydi aktyor.
Biroq serial ijodkorlari aktyor bilan xayrlashayotganliklarini rasman e’lon qilishdi, chunki ular kamsituvchi bayonotlarga toqat qilmaydi, Soyerning so‘zlari esa kompaniya tamoyillariga to‘g‘ri kelmagan.
Uzr so‘rash xabari aktyorning so‘nggi posti bo‘ldi. U o‘z hayoti va yangi loyihalari haqida gapirishni to‘xtatdi, hozir aktyor filmlarda suratga tushmaydi.
Enn Xeteuey
“Homilador” komediyasida bosh rol Enn Xeteuey ijro etishi kerak edi. U rolga tasdiqlandi, aktrisaga ssenariy yoqdi va suratga olish ishlari boshlandi. Biroq shu paytda Anna va rejissor Jad Apatou o‘rtasida kelishmovchilik kelib chiqadi.
Filmdagi ayrim sahnalarni, hatto o‘zi ishtirok etmagan qismlarini ham olib tashlashni talab qilganida, ssenariy muallifini tanqid qilganida va qahramonlarni o‘zgartirishni taklif qilganida, rejissor homiladorlik va onalik haqidagi filmni qanday qilib to‘g‘ri suratga olishni aytganida (o‘sha paytda Xeteueyning farzandlari yo‘q edi), u haqiqiy tug‘ruqxonadan olingan kadrlarni filmga kiritishni taqiqlaganda kelishmovchiliklar yuzaga keladi.
Filmning suratga olish ishlari yakunlanayotgan vaqtda, birdan Enn: “Agar ular oxirini qayta yozishmasa, men harakat qilmayman”, — dedi. Apatou uchun bu oxirgi tomchi edi va u aktrisani haydab yubordi. Aktrisa yaxshi loyihani yo‘qotdi. Keyinroq homilador ayol rolini Ketrin Heygl ijro etdi, Enn bilan bog‘liq barcha sahnalar qayta suratga olingan.
Aktrisa Allure nashriga bergan intervyusida bu rolda o‘zini noqulay his qilganini aytdi, chunki o‘sha paytda uning o‘zi ham ona bo‘lish qandayligini bilmagan. Hozir Xeteueyning ikki nafar o‘g‘li bor.
Ssenariyni qayta yozish haqidagi shov-shuvli talab uning karyerasiga katta ta’sir ko‘rsatmadi. Aktrisa bu loyihani yo‘qotdi va rejissor Apatou hozir u bilan ishlashni rad etadi, biroq Enn boshqa filmlar — “Qora ritsar”, “Amaliyotchi”, “Chetlanganlar”da ham suratga tushgan.
Ketrin Heygl
Umuman olganda, “Homilador” filmi aktrisalarining omadi kelmadi. Avvaliga Enn Xeteuey suratga olishning so‘nggi bosqichida suratga olish maydonchasidan haydalgan, so‘ngra uning “o‘rnini bosgan” Ketrin Heygl rejissorlar va ssenariy mualliflarini hayratga solgan. O‘sha paytda film allaqachon chiqqan edi.
Har qanday Gollivud aktrisasidan kim eng ko‘p shov-shuvlarga sabab bo‘lgan aktrisa ekanligini so‘rang, ular darhol Ketrin deb aytadi. Mish-mishlarga ko‘ra, u “Ehtiroslar anatomiyasi” serialida suratga tushgandan keyin mashhurlikka erishgan. Unga har doim biror narsa — rejissor bo‘lmasa, partnyori, ssenariysi yoki kostyumiga mos kelmaydi. Eng muhimi, Ketrin insonlarning yuziga yomon so‘zlarni aytishi mumkin.
“Komediyada ayollar ojiz va asabiy, erkaklar esa jozibali, kulgili qilib tasvirlangan. Men bu bilan qiynalganman. Nega mening qahramonim juda zerikarli? Nega ayollarni shunday tasvirlaysiz? — go‘yoki rejissordan so‘radi aktrisa.
Komediyadagi bosh aktyor Set Rogen uni himoya qilish uchun o‘rnidan turdi. U Heyglning ikkiyuzlamachi ekanligini, unga suratga olish maydonchasida maksimal erkinlik berilganligini, u sahnalarning yarmida improvizatsiya qilganini aytdi. Ko‘rsatuv ijodkori Shonda Rayms Ketrin o‘zining mehnatkash aktrisa sifatida obro‘sini mustahkamlashini qo‘shimcha qilgan.
“Bir paytlar hamma sevib qolgan mashhurlar ro‘yxatining boshida hozir ko‘pchilik nafratlanadigan Heygl turardi”, — deydi u.
Suhbatdan so‘ng Heygl filmlar va reklama loyihalariga taklif qilinmadi, hatto Set Rogen ham yillar o‘tib hamkasbidan g‘azablanmasligini aytdi, u o‘ziga zarar yetkazganini tushundi. Ketrin hayotini farzandlariga bag‘ishladi, hozirda uning uchta farzandi bor, ulardan ikkitasi asrab olingan.
Tom Kruz
Tom intervyularning birida u farzand dunyoga keltirgandan keyin antidepressantlarni qabul qilganini tan olgan aktrisa Bruk Shildsning bayonotiga munosabat bildirdi. “Ko‘k laguna” filmi yulduzini amerikalik ayollarning uchdan bir qismi qo‘llab-quvvatladi. So‘rovlarga ko‘ra, juda ko‘p ayollar chaqaloq tug‘ilgandan keyingi birinchi oylarda onalik quvonchini his qila olmaydi. Brukning ahvoli esa og‘ir bo‘lgan.
Tom Kruz tug‘ruqdan keyingi depressiya haqida ayollarga qaraganda ko‘proq bilishga qaror qildi va modelni tanqid qildi. U tabletkalarni ichmaslikni, biror narsa bilan, masalan, sport bilan shug‘ullanishini maslahat berdi. Muammo shundaki, nafaqat Bruk, balki uning turmush o‘rtog‘і, Paramount kinokompaniyasi rahbarlaridan biri Kris Xenchi ham bundan ranjidi. Paramount bosh direktori Sumner Redstonening rafiqasi Paula Fortunato unga katta ta’sir ko‘rsatganligi sababli, kompaniya Kruz bilan 14 yillik shartnomani bekor qildi.
Aktyorga professionallikni unutgan deb tahdid qilishdi. Biroq ko‘zyoshlari bilan tan olish va tavba qilish o‘rniga u shaxsan Bruk Shildsning uyiga kelib, kechirim so‘radi. O‘sha paytda u kichkina Surining otasiga aylangan va qanchalik xato qilganini tushungan edi. Bu tashrif ommaviy axborot vositalariga ma’lum bo‘ldi. Paramount pauza qilishni kutdi, biroq Kruzga ikkinchi imkoniyat berdi va “Uddalab bo‘lmas topshiriq” filmining davomini suratga olishni boshladi.
Mavzuga doir:
- Qirol Charlz III dan tortib Gvinet Peltrougacha: vaqtini tomorqada o‘tkazishni yaxshi ko‘radigan mashhurlar (foto).
- Maykl Jekson, Nikolas Keyj va boyligini birdaniga yo‘qotib, kambag‘alga aylangan boshqa badavlat mashhurlar (foto).
- Mashhurlar ajrimi: Gollivudning yulduzli juftliklari oilasi buzilishiga sabab bo‘lgan holatlar haqida gapirdi.
- Anjelina Joli, Meril Strip va boshqa mashhurlar haqida hatto ularning sodiq muxlislarini ham hayratda qoldiradigan faktlar (foto)
Izoh (0)