“Manchester Siti” hujumchisi Erling Holand Angliya Premyer Ligasi 15-turi doirasida kechgan “Fulhem”ga qarshi bahsda (2:1) gol urishga muvaffaq bo‘ldi.
Norvegiyalik futbolchi APLdagi so‘nggi 10 ta o‘yinida 16 ta gol urdi va bu borada “Liverpul” sobiq futbolchisi Luis Suaresning rekordini takrorladi. Ulardan boshqa hech qaysi futbolchi Premyer Ligadagi 10 ta o‘yinda 16 ta to‘p kirita olmadi.
22 yoshli forvard joriy mavsum barcha musobaqalar doirasida 17 ta o‘yin o‘tkazib, 23 ta to‘p kiritishga erishdi. APLda esa 12 ta o‘yinda 18 ta gol urdi.
“Manchester Siti” Holandni 2022-yilning yozida “Borussiya D”dan 75 million yevro evaziga sotib olgandi.
Izoh (0)