Futbol bo‘yicha Ispaniya La Ligasining 13-turida “Barselona” 5-noyabr, shanba kuni “Almeriya”ga qarshi bahs olib bordi.
Uchrashuvning birinchi bo‘limida darvozalar daxlsizligi saqlanib qoldi. Ikkinchi bo‘limning boshida Usmon Dembele hisobni ochdi. 62-daqiqada Frenki de Yong hisobni ishonchli ko‘rinishga olib keldi. Qolgan daqiqalarda darvozalar daxlsizligi saqlanib qoldi.
Qayd etib o‘tish joiz, bu o‘yin Xerard Pike uchun kataloniyaliklar safidagi so‘nggisi bo‘ldi. 85-daqiqada ispaniyalik himoyachi o‘z o‘rnini Andres Kristensenga bo‘shatib berdi.
Xavi jamoasi ochkolari sonini 34 taga yetkazib, musobaqa peshqadamiga aylandi. “Almeriya” esa 13 ochko bilan 15-pog‘onani band etgan.
La Liga
13-tur bahsi
5-noyabr, shanba
“Barselona” — “Almeriya” 2:0
Gollar: 1:0 – 48 Dembele, 2:0 – 62 de Yong.“Barselona”: ter Stegen, Balde, Pike (Kristensen, 85), Alonso, Alba, Buskets (Gavi, 68), de Yong, Pedri, Levandovski, Dembele (Rafinya, 68), Ferran Torres (Fati, 61).
“Almeriya”: Fernando, Mendes, Eli (Eguaras, 68), Chumi, Kayki (Babich, 46), Akeme, Melero (Puchmal, 68), Robertone (Portilyo, 79), Samu Koshta, Baptistao (Diego Souza, 46), Ramazani.
Ogohlantirishlar: Kayki (6), Ferran Torres (9), Dembele (42).
Izoh (0)