«Манчестер Сити» ҳужумчиси Эрлинг Ҳоланд Англия Премер Лигаси 15-тури доирасида кечган «Фулҳэм»га қарши баҳсда (2:1) гол уришга муваффақ бўлди.
Норвегиялик футболчи АПЛдаги сўнгги 10 та ўйинида 16 та гол урди ва бу борада «Ливерпуль» собиқ футболчиси Луис Суареснинг рекордини такрорлади. Улардан бошқа ҳеч қайси футболчи Премер Лигадаги 10 та ўйинда 16 та тўп кирита олмади.
22 ёшли форвард жорий мавсум барча мусобақалар доирасида 17 та ўйин ўтказиб, 23 та тўп киритишга эришди. АПЛда эса 12 та ўйинда 18 та гол урди.
«Манчестер Сити» Ҳоландни 2022 йилнинг ёзида «Боруссия Д»дан 75 миллион евро эвазига сотиб олганди.
Изоҳ (0)