Futbol bo‘yicha Angliya Premyer Ligasining 15-turida “Manchester Siti” 5-noyabr, shanba kuni “Fulhem” bilan o‘ynadi.
Uchrashuvning 17-daqiqasida Xulian Alvares hisobni ochdi. 26-daqiqada esa “shaharliklar” futbolchisi Jaou Kanselu qizil kartochka olib maydonni tark etdi. Qolgan daqiqalarda Manchester klubi bir kishi kam bo‘lib harakat qildi. 28-daqiqada Andreas Pereyra penaltidan unumli foydalanib, muvozanatni tikladi.
Uchrashuv yakunlanishida sanoqli daqiqalar qolganda Erling Holand penaltini aniq amalga oshirib, “Manchester Siti” uchun qiyin bo‘lgan g‘alabani olib keldi.
Pep Gvardiola shogirdlari 32 ochko bilan 1-o‘ringa ko‘tarilib oldi. “Fulhem” esa 19 ochko bilan 8-pog‘onani band etdi.
APL
15-tur bahslari
5-noyabr, shanba
“Manchester Siti” — “Fulhem” 2:1
Gollar: 1:0 – 17 Alvares, 1:1 – 28 Pereyra (penalti), 2:1 – 90+5 Holand (penalti).“Manchester Siti”: Ederson, Stounz, Ake, Akanji, Joau Kanselu, Gundo‘g‘an (Ruben Diash, 90), de Bryuyne, Rodri, Grilish (Foden, 64), Bernardu Silva, Alvares (Holand, 64).
“Fulhem”: Leno, Tete, Rim, Diop, Robinson, Rid, Uilson (Jeyms, 76), Pereyra (Harris, 88), Palinya, Villian (Mbabu, 80), Vinisius (Kerni, 76).
Ogohlantirishlar: Pereyra (7), Rid (45), Bernardu Silva (45), Tete (63), Robinson (90), Holand (90).
Chetlatish: Joau Kanselu (26).
Izoh (0)