Filippinda Nalgae tropik bo‘roni oqibatida 98 kishi halok bo‘ldi. Bu haqda Xatarlarning oldini olish va tabiiy ofatlarni bartaraf etish bo‘yicha davlat milliy kengashi hisobotida aytilgan. Unga ko‘ra, o‘nlab odamlar bedarak yo‘qolgan.
“O‘limlarga odamlarning suvga cho‘kishi yo ko‘chki yoki ustiga daraxt qulashi oqibatida olgan jaro12hatlari sabab bo‘lgan. Alabama shtatining Sibaloma shahridagi qurbonlardan biri — 61 yoshli erkak sovqotish tufayli yuragi to‘xtab qolishidan vafot etgan” — deyiladi hisobotda.
Qutqaruvchilar xavfli hududlardan 350 mingdan ortiq odamni evakuatsiya qildi. Ular evakuatsiya markazlariga joylashtirildi. Mamlakat bo‘ylab ko‘chirilganlar soni 12 mingdan oshadi. Bo‘ron 555 ta turar joy binosiga zarar yetkazgan, 150 dan ortiq bino vayron bo‘lgan.
Kengash ma’lumotlariga ko‘ra, tabiiy ofatdan 1,8 milliondan ortiq kishi jabr ko‘rgan. Yo‘llar, ko‘priklar, maktablar va hukumat binolari vayron bo‘lgan. Bo‘ron Filippinning to‘qqizta aeroportiga ham ta’sir qilgan, hozir ulardan ikkitasi ishlamoqda. Tabiiy ofat tufayli 444 ta reys bekor qilingan.
Filippindagi 263 ta shaharda energiya ta’minoti bilan bog‘liq muammolar qayd etilgan bo‘lsa, ularning 94 tasida elektr tiklangan. 45 ta aholi punktida aloqa, sakkiztasida suv ta’minotida uzilishlar kuzatilgan.
Izoh (0)