30-oktabr kuni kechqurun Moskva g‘arbidagi Ryabinovaya ko‘chasida bir necha o‘nlab mashinalar to‘qnashib ketdi, yo‘l harakati butunlay to‘silib qoldi. Bu haqda shahar transport departamenti xabar berdi.
Muassasa YTH aks etgan videoni e’lon qildi. Unda bir avtomobil avariya signalini yoqib to‘xtab turgan mashina tomonga qarab yurayotganini ko‘rish mumkin. Unga orqada turgan boshqa avtomobil kelib urilgan, so‘ng uning ortidan harakatlanib kelayotgan yana bir nechta mashina va avtobuslar to‘qnashgan.
Favqulodda xizmatlar ma’lumotlariga ko‘ra, 54 ta yengil avtomobil, mototsikl va avtobus ishtirokida bir nechta kichik avariyalar yuz bergan. Besh kishi, shu jumladan bir nafar yosh bola jabrlangan, ularning ikki nafari kasalxonaga yotqizilgan.
30-oktabr kuni Moskvada birinchi qor yog‘di, haydovchilar yo‘llar muzlashi haqida ogohlantirilgan. Shahar transport departamenti avtomobil g‘ildiraklari shinasini qishkisiga almashtirishni, shuningdek, mashinalarni daraxt va reklama bannerlaridan uzoqroqqa to‘xtatishni tavsiya qilmoqda.
Izoh (0)