Филиппинда Налгаэ тропик бўрони оқибатида 98 киши ҳалок бўлди. Бу ҳақда Хатарларнинг олдини олиш ва табиий офатларни бартараф этиш бўйича давлат миллий кенгаши ҳисоботида айтилган. Унга кўра, ўнлаб одамлар бедарак йўқолган.
«Ўлимларга одамларнинг сувга чўкиши ё кўчки ёки устига дарахт қулаши оқибатида олган жаро12ҳатлари сабаб бўлган. Алабама штатининг Сибалома шаҳридаги қурбонлардан бири — 61 ёшли эркак совқотиш туфайли юраги тўхтаб қолишидан вафот этган» — дейилади ҳисоботда.
Қутқарувчилар хавфли ҳудудлардан 350 мингдан ортиқ одамни эвакуация қилди. Улар эвакуация марказларига жойлаштирилди. Мамлакат бўйлаб кўчирилганлар сони 12 мингдан ошади. Бўрон 555 та турар жой биносига зарар етказган, 150 дан ортиқ бино вайрон бўлган.
Кенгаш маълумотларига кўра, табиий офатдан 1,8 миллиондан ортиқ киши жабр кўрган. Йўллар, кўприклар, мактаблар ва ҳукумат бинолари вайрон бўлган. Бўрон Филиппиннинг тўққизта аэропортига ҳам таъсир қилган, ҳозир улардан иккитаси ишламоқда. Табиий офат туфайли 444 та рейс бекор қилинган.
Филиппиндаги 263 та шаҳарда энергия таъминоти билан боғлиқ муаммолар қайд этилган бўлса, уларнинг 94 тасида электр тикланган. 45 та аҳоли пунктида алоқа, саккизтасида сув таъминотида узилишлар кузатилган.
Изоҳ (0)