Italiyaning “Monsa” klubida ijarada o‘ynayotgan “Arsenal” himoyachisi Pablo Mari pichoqlab ketildi.
Ushbu voqea Milan chetida joylashgan Assago savdo markazida sodir bo‘lgan. Ruhiy xasta ekanligi taxmin qilinayotgan 46 yoshli erkak supermarket javonidan pichoq olib, mijozlarga hujum uyushtirgan, natijada ulardan kamida ikki nafari jiddiy jarohat olgan, deya xabar beradi Corriere dello Sport.
Hujum qilgan shaxsni savdo marketiga tashrif buyurganlar to‘sib qoldi, ko‘p o‘tmay karabinerlar (Italiya qurolli kuchlarining bir turi) yordamga kelib, erkakni hibsga olgan.
Hammasi bo‘lib 6 kishi jarohat oldi, ular orasida Mari ham bor edi. Ular vertolyot yordamida kasalxonaga yetkazilgan. Libero Quotidiano ma’lumotlariga ko‘ra, bir kishi, supermarket kassiri shifoxonaga yetkazilayotganda vafot etgan.
Mari hushida va atrofidagilar bilan gaplasha olmoqda. “Monsa” bosh direktori Adriano Galliani va murabbiy Raffaele Palladino allaqachon futbolchini ko‘rish uchun tashrif buyurgan.
Galliani Marining hayoti xavf ostida emasligini aytib o‘tdi. Futbolchi orqa qismidan chuqur jarohat olgan, biroq hayotiy muhim organlari zarar ko‘rmagan. Ispaniyalik futbolchining mushaklari shikastlangan va ularga chok tushgan.
Izoh (0)