O‘zbekistonlik futbolchi Oston O‘runovning “Ural” bilan shartnomani bekor qilishi bo‘yicha ayrim tafsilotlar ma’lum bo‘ldi, deya “RB Sport”ga tayanib xabar qilmoqda “Chempionat”.
Qayd etilishicha, O‘runov va “Ural” bosh murabbiyi Viktor Goncharenko o‘rtasida kelishmovchilik yuzaga kelgan. Rossiya Kubogi doirasida “Sochi”ga qarshi o‘yin oldi rejasida Oston asosiy tarkibda tushishi kerak bo‘lgan, biroq o‘yin kuni murabbiy uni zaxirada qoldirgan.
Ikkinchi bo‘limda mutaxassis Ostonni maydonga tushirmoqchi bo‘lgan va unga tayyorgarlik ko‘rishni buyurgan. Futbolchi esa maydonga tushishni xohlamagan. Yakunda ushbu vaziyat o‘zaro kelishmovchilik va shartnomaning bekor qilinishiga sabab bo‘lgan.
21 yoshli O‘runov 2022/23-yilgi mavsumda “Ural” safida uchta o‘yinda maydonga tushdi.
Avvalroq futbolchi “Navbahor”ga qaytishi mumkinligi xabar qilingandi.
Eslatib o‘tamiz, Oston “Paxtakor” tarbiyalanuvchisi hisoblanadi. O‘zbekistonlik futbolchi, shuningdek, “Navbahor”, Rossiyaning “Spartak”, “Ufa” va “Ural” jamoalari sharafini himoya qilgan.
Izoh (0)