Futbol bo‘yicha Yevropa Ligasining 5-turidan o‘rin olgan uchrashuvlar 27-oktabr kuni bo‘lib o‘tdi.
Mazkur tur o‘yinlaridan keyin guruhlardagi vaziyat quyidagi ko‘rinishni oldi.
A guruhida “Arsenal” va “PSV” guruhdan chiqish masalasini hal qilgan. Birinchi o‘rin masalasiga so‘nggi turda oydinlik kiritiladi.
B guruhida “Fenerbahche” va “Renn” pley-offga yo‘llanma olgan. Bu guruhda ham birinchi o‘rin taqdiri oxirgi turda hal bo‘ladi.
C guruhida “Betis” birinchi o‘rin qo‘lga kiritgan. Ikkinchi o‘rin uchun “Roma” va “Ludogorets” 6-turda o‘zaro bahs olib boradi.
D guruhida Belgiyaning “Yunion” jamoasi birinchi o‘rinni muddatidan avval qo‘lga kiritdi. Ikkinchi o‘rin uchun “Union” va “Braga” da’vogar bo‘lib turibdi.
E guruhida “Real Sosyedad” va “Manchester Yunayted” raqiblarini ortda qoldirgan. Bu jamoalar so‘nggi turdagi o‘zaro o‘yin orqali birinchi o‘ringa oydinlik kiritadi.
F guruhida vaziyat chigal va hammasi oxirgi turda hal bo‘ladi. Hozircha “Latsio” va “Shturm” 8 tadan ochko ega, “Feyenoord” va “Mitdyulland”da 5 ochko bor.
G guruhida “Frayburg” birinchi o‘rin bilan pley-offga yo‘l olgan. “Qorabog‘” va “Nant” ikkinchi yo‘llanmaga da’vogar.
H guruhida “Ferensvarosh” muddatidan avval birinchi o‘rinni qo‘lga kiritdi. “Monako”, “Trabzonspor” va “Srvena Zvezda” ikkinchi yo‘llanma uchun imkoniyatga ega.
Yevropa Ligasi guruhlarida birinchi o‘rinni egallagan jamoalar 1/8 finalga yo‘l oladi. Ikkinchi o‘rin egalari o‘z yurishini 1/16 finaldan boshlaydi. Uchinchi o‘rindagilar esa Konferensiyalar Ligasiga yo‘l oladi.
Izoh (0)