Islandiyada shaxmat bo‘yicha World Fischer Random Chess Championship musobaqasi bo‘lib o‘tmoqda.
Ushbu musobaqada o‘zbekistonlik Nodirbek Abdusattorov ham ishtirok etmoqda. Abdusattorov muddatidan oldin yarim final yo‘llanmasini hal qilgan edi.
O‘zbekistonlik shaxmatchi yarim finalda Hikaru Nakamura bilan o‘ynaydi. Yana bir yarim final bahsi Magnus Karlsen va Yan Nepomnyashiy o‘rtasida kechadi.
Nodirbek A guruhini 1-o‘rinda yakunladi. Nakamura B guruhida ikkinchi o‘rinni egallagan. Amerikalik grossmeyster FIDE reytingida 6-pog‘onadan (2768) joy olgan. Nodirbek esa 2713 reyting bilan 31-o‘rinni band etgan.
Ma’lumot uchun, musobaqaning mukofot jamg‘armasi 400 ming AQSH dollarini tashkil etadi. G‘olib 150 ming dollarga ega chiqadi.
Ushbu musobaqa o‘ziga xos reglamenti bilan ajralib turadi. Unda odatiy shaxmatdan farqli o‘laroq dastlabki qatordagi donalar tasodifiy tarzda joylashtiriladi.
Izoh (0)