Shavkat Mirziyoyevning Turkmanistonga rasmiy tashrifi doirasida ikki tomonlama Strategik sheriklikni chuqurlashtirish to‘g‘risidagi deklaratsiya imzolandi. Bu haqda Energetika vazirligi xabar qildi.
Qayd etilishicha, ikki mamlakat Energetika vazirliklari o‘rtasida elektr energetika sohasida hamkorlikni rivojlantirish bo‘yicha o‘zaro Anglashuv memorandumi imzolangan.
Mazkur hamkorlikning aniq yo‘nalishlari quyidagilardan iborat:
- tomonlar ikki davlat o‘rtasida elektr energiyasi savdosini rivojlantirish va uning boshqa davlatlarga tranzitini yo‘lga qo‘yishda hamkorlik qilish;
- o‘zaro manfaatli shartlar asosida elektr energiyasi yetkazib berish bo‘yicha amaldagi shartnomalar amal qilish muddatini uzaytirish;
- elektr energiyasi savdosi hajmini oshirish;
- energetika obyektlarini ta’mirlash sohasida hamkorlik qilish;
- obyektlarda ta’mirlash ishlarini amalga oshirish kabi maqsadlarni nazarda tutadi.
Izoh (0)