Shavkat Mirziyoyev raisligida o‘tayotgan videoselektor yig‘ilishida Qashqadaryoni ijtimoiy-iqtisodiy rivojlantirish masalalari ko‘rib chiqilayotgani haqida xabar berilgan edi. Prezident matbuot kotibi Sherzod Asadovning ma’lum qilishicha, yig‘ilishda viloyati hokimi Murod Azimov hududni rivojlantirish ishlari holati va istiqboldagi maqsadlar yuzasidan hisobot bermoqda.
Masalan, 2022-yilning 9 oyida 12,5 mingta yangi tadbirkorlik subyekti tashkil etilgan, ularning soni 55 mingtaga yetgan, ularda 32 mingta yangi ish o‘rni yaratilgan. 2023-yilda mahallalarda 15 ta “Obod mahalla” markazini tashkil etish, xizmatlar sohasida 6,5 mingta ish o‘rni yaratish rejalashtirilgan.
5,2 ming tonna parranda go‘shti, 450 tonna baliq go‘shti, 18 tonna yem ishlab chiqarishga ixtisoslashgan yirik parrandachilik majmuasini ishga tushirish mo‘ljallanmoqda. Qarshi shahrida loyiha qiymati 20 million dollarlik biznes markazini barpo etish ko‘zda tutilgan.
Viloyatga 50 ming nafar xorijiy va 1 million nafar mahalliy turist tashrif buyurgan. “Sahrodan-muzlikkacha” turizm magistralini yaratish rejalashtirilgan.
Mavzuga doir: Shavkat Mirziyoyev Qashqadaryoda 5 ta yo‘nalishda erishilishi lozim bo‘lgan vazifalarni belgilab berdi
Izoh (0)