O‘zbekistonning Bangkokdagi Bosh konsuli Tailand Savdo vazirligi Xalqaro savdo muzokaralari departamenti bosh direktori Oramon Saptavitham bilan uchrashdi, deb xabar bermoqda “Dunyo” AA.
Uchrashuvda O‘zbekiston va Tailand o‘rtasidagi savdo-iqtisodiy munosabatlarni faollashtirish hamda o‘zaro savdo aylanmasini oshirish masalalari muhokama qilingan. Bu borada mavjud imkoniyatlardan yetarli darajada foydalanilmayotgani qayd etilgan.
Tomonlar O‘zbekistondan qishloq xo‘jaligi, to‘qimachilik, kimyo sanoati mahsulotlari, Tailanddan esa avtomobil, elektrotexnika sanoati, qishloq xo‘jaligi, kosmetika va xalq tabobati mahsulotlari savdosini jadallashtirish bo‘yicha fikr almashgan.
Oramon Saptavitham o‘zaro savdo hajmini ko‘paytirish maqsadida mavjud imkoniyatlar bilan yaqindan tanishish uchun biznes doiralari vakillarining o‘zaro tashriflarini ko‘paytirish muhimligini va ushbu yo‘nalishdagi chora-tadbirlarni qo‘llab-quvvatlashga tayyorligini bildirgan.
Bundan avval O‘zbekiston va Qirg‘iziston o‘rtasida qishloq xo‘jaligi texnikasi va avtomobillar ishlab chiqarishni yo‘lga qo‘yish istiqbollari muhokama qilingandi. Rossiya O‘zbekiston avtomobil butlovchi qismlarini yetkazib berishdan manfaatdor ekanini bildirgan.
Izoh (0)