Avstraliyadagi Motrex kompaniyasi O‘zbekistonda elektromobillarni quvvatlash stansiyalarini ishlab chiqarish texnologiyalarini joriy qilishi kutilmoqda. Bu haqda Innovatsion rivojlanish vazirligining matbuot xizmati xabar bermoqda.
Shu sababli kompaniya hamda Innovatsion rivojlanish vazirligi huzuridagi “Yashnobod” innovatsion texnoparki o‘rtasida 2,5 million dollarlik hamkorlik kelishuvi imzolandi.
Motrex 2001-yili Koreyada tashkil etilgan kompaniya hisoblanadi. Kompaniyaning bo‘ylab to‘qqizta filiali mavjud bo‘lib, u orqali 70 dan ortiq mamlakatlarga avtomobil yetkazib beradi.
2012-yili Motrex Avstraliyada ham o‘z filialini ochgan.
Sentabr oyiga kelib elektromobillarni quvvatlantirish shoxobchalari O‘zbekistonning sakkizta viloyatida mavjud bo‘lib turibdi.
Quvvatlovchi stansiyalarining umumiy soni 60 tani tashkil qilib, ularning asosiy qismi Toshkent va Farg‘ona vodiysida joylashgan. Yana bir nechta stansiyalar Samarqand va Qashqadaryo viloyatlarida bor.
Bundan tashqari Buxoro shahrida ham elektromobillarni quvvatlovchi yangi stansiya ishga tushirilgan.
Taqqoslash uchun, 2019-yilda quvvatlovchi stansiya umuman yo‘q bo‘lgan. 2020-yilda 3 ta, 2021-yilda esa ularning soni 30 taga yetgan.
Avvalroq O‘zbekistonda quyosh energiyasidan foydalangan holda elektromobillarni quvvatlovchi qurilma yaratilgani haqida xabar berilgandi.
Izoh (0)