Rossiyadagi “Saxalin-1”ning sobiq operatori neft va gaz loyihasi uchun yangi operator yaratilganidan so‘ng, mamlakatni butunlay tark etishini e’lon qildi. Bu haqda “Kommersant” xabar bermoqda.
Avvalroq “Saxalin-1”da ishlab chiqarish Exxon kompaniyasi neftni Sovcomflot tankerlariga jo‘natishdan bosh tortgani sababli to‘xtatilgandi.
Biz xavfsiz chiqib ketganimizni tasdiqlay olaman. Ikkita farmon bilan Rossiya hukumati bizning “Saxalin-1”dagi manfaatlarimizni bir tomonlama bekor qildi va loyiha Rossiya operatoriga topshirildi, — dedi kompaniya vakili.
7-oktabr kuni Rossiya prezidenti Vladimir Putin Rossiyaning “Saxalin-1” operatorini yaratish to‘g‘risidagi farmonni imzoladi, unga ko‘ra mavjud operator Exxon Neftegas Limited’ning barcha huquq va majburiyatlari MCHJga o‘tadi.
14-oktabr kuni “Saxalin-1” MCHJ sifatida ro‘yxatga olindi, uning boshqaruvchi kompaniyasi esa “Rosneft” bo‘ldi.
Loyiha aksiyalari Yaponiyaning Sodeco (30 foiz) va Hindistonning ONGC (20 foiz) kompaniyalariga tegishli. Ular bir oy ichida yangi operatordagi mutanosib ulushga egalik qilish haqidagi kelishuvlarini tasdiqlashlari kerak.
ExxonMobil — shtab-kvartirasi Irvingda (Texas) joylashgan Amerika ko‘ptarmoqli neft va gaz korporatsiyasidir.
U Jon Rokfellerga tegishli bo‘lgan Standard Oil kompaniyasining eng yirik to‘g‘ridan to‘g‘ri avlodi bo‘lib, 1999-yil 30-noyabrda Exxon va Mobil kompaniyalarining qo‘shilishi natijasida tashkil topgan.
Izoh (0)