Birinchi avlod iPhone auksionda qariyb 40 ming dollarga sotildi

2007-yilda chiqarilgan iPhone (qadoqdan ochilmagan) yakshanba kuni kimoshdi savdosida 39 340 dollarga sotildi. Bu haqda “TASS” xabar bermoqda.

Birinchi avlodning muhrlangan nusxasi a’lo holatda. Qadoqlash yuzasi va burchaklari deyarli benuqson, zavod muhri buzilmagan. Yangi telefon, faollashtirilmagan. Kollektorlar va investorlar uchun namunani bundan ham mukammal holatda topish qiyin, — deyiladi lot tavsifida.

Shuningdek, unda 2007-yil 9-yanvarda Stiv Jobs tomonidan ilk bor taqdim etilgan iPhone smartfon sanoatini butunlay o‘zgartirib, “zamonining eng muhim va keng tarqalgan ixtirolaridan biriga” aylangani ta’kidlangan.

Business Insider yangiliklar portali ta’kidlaganidek, 2007-yilda birinchi iPhone modeli 599 dollarga tushgan.

AQSH Mehnat departamenti statistika byurosi ma’lumotlariga ko‘ra, auksionda sotilgan smartfon inflyatsiyani hisobga olgan holda o‘tgan yillar davomida qariyb 45 barobar qimmatlashgan.

Avvalroq Apple nega iPhone 14 ishlab chiqarish hajmini oshirishdan voz kechgani haqida xabar berilgandi.