O‘zbekistonda 2022-yilning oktabr oyida malina narxlarida o‘sish kutilganidan ko‘proq bo‘ldi. Bu haqda EastFruit xabar bermoqda.
O‘tgan haftada yangi malinaning o‘rtacha ulgurji narxi 43 foizga oshdi va joriy mavsumda birinchi marta o‘tgan yilgi darajadan yuqori bo‘ldi.
Narxlar monitoringiga ko‘ra, 2022-yil 7-oktabrdan 14-oktabrgacha yangi malinaning o‘rtacha ulgurji narxi 35 ming so‘mdan 50 ming so‘m/kg gacha oshgan.
Shu bilan birga, 2022-yil 14-oktabr holatiga ko‘ra, O‘zbekistonda malinaning o‘rtacha ulgurji narxi 2021-yilning shu sanasiga nisbatan 11 foizga yuqori bo‘lmoqda.
Deyarli butun 2022-yil mavsumda yangi malinaning ulgurji narxlari o‘tgan yilgi darajadan past bo‘lgan, eng katta farq esa avgust oyining uchinchi o‘n kunligidan 2022-yil oktabr oyining birinchi o‘n kunligigacha kuzatilgan.
Bu davrda ushbu mahsulotlarning ulgurji narxlari o‘tgan yilgi ko‘rsatkichdan 22-38 foizga past bo‘lgan.
Biroq 2022-yil oktabr oyi o‘rtalarida joriy mavsumda birinchi marta malinaning ulgurji narxlari o‘tgan yilgi darajadan oshib ketdi.
Bozor ishtirokchilarining fikricha, ushbu mahsulotlar narxining keskin oshishi ichki bozorda taklifning sezilarli darajada qisqarishi va O‘zbekistonda malina yig‘im-terim mavsumining yaqinlashib kelayotgani bilan bog‘liq.
Izoh (0)