Австралиядаги Motrex компанияси Ўзбекистонда электромобилларни қувватлаш станцияларини ишлаб чиқариш технологияларини жорий қилиши кутилмоқда. Бу ҳақда Инновацион ривожланиш вазирлигининг матбуот хизмати хабар бермоқда.
Шу сабабли компания ҳамда Инновацион ривожланиш вазирлиги ҳузуридаги «Яшнобод» инновацион технопарки ўртасида 2,5 миллион долларлик ҳамкорлик келишуви имзоланди.
Motrex 2001 йили Кореяда ташкил этилган компания ҳисобланади. Компаниянинг бўйлаб тўққизта филиали мавжуд бўлиб, у орқали 70 дан ортиқ мамлакатларга автомобиль етказиб беради.
2012 йили Motrex Австралияда ҳам ўз филиалини очган.
Сентябрь ойига келиб электромобилларни қувватлантириш шохобчалари Ўзбекистоннинг саккизта вилоятида мавжуд бўлиб турибди.
Қувватловчи станцияларининг умумий сони 60 тани ташкил қилиб, уларнинг асосий қисми Тошкент ва Фарғона водийсида жойлашган. Яна бир нечта станциялар Самарқанд ва Қашқадарё вилоятларида бор.
Бундан ташқари Бухоро шаҳрида ҳам электромобилларни қувватловчи янги станция ишга туширилган.
Таққослаш учун, 2019 йилда қувватловчи станция умуман йўқ бўлган. 2020 йилда 3 та, 2021 йилда эса уларнинг сони 30 тага етган.
Аввалроқ Ўзбекистонда қуёш энергиясидан фойдаланган ҳолда электромобилларни қувватловчи қурилма яратилгани ҳақида хабар берилганди.
Изоҳ (0)