Belgoroddagi poligonda sodir etilgan teraktga Tojikiston fuqarolarining aloqadorligi haqidagi ma’lumotlar tekshirilmoqda. Bu haqda Tojikiston tashqi ishlar vazirligi matbuot xizmatiga tayanib, “RIA Novosti” xabar berdi.
“Moskvadagi elchixona voqeaga Tojikiston fuqarolarining aloqadorligini aniqlashga harakat qilmoqda”, — deyiladi bayonotda.
17-oktabr tongda tojikistonlik ko‘ngillilar 1999 va 1998-yillarda tug‘ilgan Aminzod Tojiddin va Mehrob Rahmonovlar Belgoroddagi harbiy poligonda o‘t ochgani haqida xabar berilgan. Qayd etilishicha, ular 11-oktabr kuni Valuyskiy shahar tumani, Soloti qishlog‘ida joylashgan harbiy qismga kelib joylashgan.
15-oktabr kuni Belgorod viloyatidagi harbiy qismlardan birida MDHning ushbu ikki fuqarosi o‘t ochgan. Mudofaa vazirligi hodisani terakt sifatida baholadi. Oqibatda 11 kishi halok bo‘lgan, yana 15 kishi jarohatlangan. Rossiya Mudofaa vazirligi ma’lumotlariga ko‘ra, teraktni sodir etganlar javob o‘qlaridan o‘lim topgan. Manbaning xabar berishicha, Valuyskiy tumanidagi otishma ertalab soat 10 lar atrofida sodir bo‘lgan.
16-oktabr Rossiya Tergov qo‘mitasi mashg‘ulotlar poligonidagi otishma bo‘yicha jinoiy ish ochdi. RFT ish qaysi modda bo‘yicha ochilganiga aniqlik kiritmagan.
Izoh (0)