“O‘zingizni mehmondek tuting” — rossiyalik blogerning Qirg‘iziston haqidagi posti keskin tanqidlarga sabab bo‘ldi

Rossiyalik bloger Ilya Varlamov Qirg‘iziston xalqiga murojaat qilib, tashrif buyuruvchilarga mehmon emas, balki mijoz sifatida qarash kerakligini ta’kidlagan post yozdi.

Bloger nima uchun “mehmondek tut” degan gapga qo‘shilmasligini tushuntirdi.

“Siz mamlakatga tashrif buyura olmaysiz. Masalan, meni hech kim Qirg‘izistonga taklif qilmadi. Men o‘zim samolyot chiptasini sotib oldim va mehmonxonani ijaraga oldim. To‘g‘ridan to‘g‘ri “mehmonlar” haqida yozganlarning hech biri meni gul va bir tovoq beshbarmoq bilan kutib olishmadi, shuning uchun men hech kimdan qarzdor emasman. Qolaversa, ajoyib mamlakatingizga kelgan odamlarga mehmon sifatida emas, balki mijoz sifatida qarash kerak. Axir ular pul sarflash va xizmatlaringizdan foydalanish uchun kelishadi. Mijoz esa doim haqdir”, — deydi Varlamov.

Shuningdek, u mijoz sifatida xizmat ko‘rsatish, ekologiya, transport, arxitekturadan norozi bo‘lishga haqli ekanini ta’kidladi.

“Biznesga o‘xshatish uchun, mamlakatni katta restoran deb tasavvur qiling. Siz harakat qilasiz, uni rivojlantirasiz, keyin mijozlar kelib, nimadandir norozi bo‘ladi. Agar siz har bir norozi odamni haydab yuborsangiz va ularga “berganni yeb, boshim qotirma” desangiz, restoraningiz juda tez o‘ladi. Mijoz nimani yoqtirmasligini tinglash va uni tuzatishga harakat qilish ancha keraklidir. Tanqidni vatanni xafa qilish uchun emas, balki sovg‘a sifatida ko‘rish kerak. Rossiyadan Qirg‘izistonga ko‘plab odamlar kelgan bugun kunda, ularning og‘zini yopishning hojati yo‘q. Aksincha, tinglang, nima noto‘g‘ri ekanini, qanday xizmatlar yetishmayotganini, nimani yaxshilash mumkinligini bilib oling. Ishonchim komilki, bunday yondashuvdan mamlakat faqat foyda ko‘radi”, — deb hisoblaydi bloger.

Sharhlarda ko‘plab internet foydalanuvchilari blogerni tanqid qilib, “so‘ralmagan maslahatni bermaslik” so‘ralgan.