Germaniya bu qishda energiya taqchilligining oldini olish uchun eng yirik tabiiy gaz importchisi — Uniper’ni milliylashtirmoqda. Bu haqda CNN xabar berdi.
Rossiyaning Ukrainaga bostirib kirishi va gaz ta’minotini to‘xtatib qo‘yishi natijasida Yevropa tabiiy gaz va elektr narxining keskin ko‘tarilishidan zarar ko‘rmoqda.
Germaniya hukumati Finlyandiyaning Fortum kompaniyasining Uniper energetika konsernidagi ulushini 0,5 milliard yevroga sotib oladi.
Bu tufayli hukumat 99 foiz ulushga ega Uniper’ning asosiy aksiyadoriga aylanadi. Germaniya hukumati jami 8 milliard yevro (har bir aksiya uchun 1,70 yevro) sarmoya kiritadi.
Germaniya hukumati tez orada Uniper’ning qariyb 99 foizi va Finlyandiyaning asosiy kompaniyasi Fortum’ning 8 foiziga egalik qiladi, — dedi Germaniya iqtisodiyot vaziri Robert Xabek.
Uniper mamlakatdagi gaz ta’minotining 40 foizini ta’minlaydi. Bu Yevropa iqtisodiyotidagi yirik kompaniyalar va xususiy iste’molchilar uchun juda muhimdir.
Avvalroq Germaniya Rossiyaga qarashli neftni qayta ishlash zavodlarini nazorat ostiga olgani haqida xabar berilgandi.
Izoh (0)