PepsiCo Rossiyada Pepsi, 7Up va Mountain Dew ishlab chiqarishni butunlay to‘xtatdi. Bu haqda kompaniya bayonotiga tayanib Reuters xabar bermoqda.
9-mart kuni kompaniya Rossiyada Pepsi, Mirinda va 7Up brendlarini ishlab chiqarish va sotish to‘xtatilganini ma’lum qilgandi.
Agentlik jurnalistlari Moskva va undan tashqaridagi o‘nlab gipermarket, chakana savdo do‘konlari va sport zallariga tashrif buyurib, iyul va avgust oylarida Rossiyada ishlab chiqarilgan Pepsi ichimliklarini topgach, kompaniya rasmiy bayonot bilan chiqdi.
PepsiCo vakilining tushuntirishicha, Rossiyada barcha ichimliklar konsentratlari tugab qolgan, shundan so‘ng ishlab chiqarish to‘xtatilgan. Ichimliklarning so‘nggi chiqarilish sanasi 17-avgust bo‘lgan.
Rossiyada ichimliklar savdosi to‘xtatilganmi yoki yo‘qmi, PepsiCo aniqlik kiritmagan.
PepsiCo Ukrainadagi urush fonida Rossiyada ichimliklar reklamasi va savdosini to‘xtatgan.
Shunga qaramay, aprel oyida aniqlanganidek, PepsiCo toifani rivojlantirish, jumladan, boshqa paketlarda turli nomlar ostida yangi mahsulotlar yaratish, shuningdek, mahalliy brendlarni kengaytirish imkoniyatlarini o‘rganmoqda.
Avvalroq Rossiyada Coca-Cola va Pepsi analoglari bozorning 5 foizini egallagani haqida xabar berilgandi.
Izoh (0)