O‘zbekistonda joriy yil avgust oyida ikkilamchi bozorda (eski uylar) uylarning o‘rtacha narxi o‘sishi 0,5 foizni tashkil etdi. Bu haqda Iqtisodiy tadqiqotlar va islohotlar markazi “Daryo”ga ma’lum qildi.
Eski uylar narxi iyun 2,7 foizga, iyul oyida esa 2,5 foizga oshgan edi. Shu tariqa o‘sish ko‘rsatkichlari sekinlashdi.
Uy-joy narxining sezilarli o‘sishi quyidagi viloyatlar kuzatildi:
- Xorazm — 6,1 foiz;
- Qashqadaryo — 1,9 foiz;
- Farg‘ona — 1,8 foiz.
Uy-joy narxining eng ko‘p pasayishi quyidagi viloyatlarda qayd etildi:
- Surxondaryo — 5,3 foiz;
- Andijon — 2,1 foiz;
- Sirdaryo — 1,2 foiz;
- Navoiy — 1,1 foiz.
Avgust oyida Toshkent shahrida ikkilamchi ko‘chmas mulk bozorida narxlar o‘sishi biroz sekinlashdi va 1,4 foizni tashkil etdi. Iyun oyida bu ko‘rsatkich 2,4 foiz, iyul oyida esa 2,9 foiz bo‘lgan edi.
Uy-joy narxining eng katta o‘sishi Chilonzor, Olmazor va Shayxontohur tumanlarida qayd etildi. Sergeli tumanida narxlarning pasayishi kuzatildi.
Avvalroq O‘zbekistonda eski uylarni sotib olish uchun ipoteka kreditlari yil oxirida ochilishi mumkinligi haqida xabar berilgan edi.
Izoh (0)