Германия бу қишда энергия тақчиллигининг олдини олиш учун энг йирик табиий газ импортчиси — Uniper’ни миллийлаштирмоқда. Бу ҳақда CNN хабар берди.
Россиянинг Украинага бостириб кириши ва газ таъминотини тўхтатиб қўйиши натижасида Европа табиий газ ва электр нархининг кескин кўтарилишидан зарар кўрмоқда.
Германия ҳукумати Финляндиянинг Fortum компаниясининг Uniper энергетика концернидаги улушини 0,5 миллиард еврога сотиб олади.
Бу туфайли ҳукумат 99 фоиз улушга эга Uniper’нинг асосий акциядорига айланади. Германия ҳукумати жами 8 миллиард евро (ҳар бир акция учун 1,70 евро) сармоя киритади.
Германия ҳукумати тез орада Uniper’нинг қарийб 99 фоизи ва Финляндиянинг асосий компанияси Fortum’нинг 8 фоизига эгалик қилади, — деди Германия иқтисодиёт вазири Роберт Хабек.
Uniper мамлакатдаги газ таъминотининг 40 фоизини таъминлайди. Бу Европа иқтисодиётидаги йирик компаниялар ва хусусий истеъмолчилар учун жуда муҳимдир.
Аввалроқ Германия Россияга қарашли нефтни қайта ишлаш заводларини назорат остига олгани ҳақида хабар берилганди.
Изоҳ (0)