O‘zbekiston limonini Xitoyga eksport qilish uchun ruxsatnoma olindi. Bu haqda o‘simliklar karantini va himoyasi agentligining matbuot xizmati xabar berdi.
Hisobotda qayd etilishicha, sitrus mevalar dunyoning 15 ga yaqin davlatiga, jumladan, Xitoyga ham eksport qilinadi.
O‘zbekistonda limonning, asosan, Mir va Mayer navlari yetishtiriladi. Sitrus mevalari oktabr—noyabr oylarida yig‘ib olishga tayyor bo‘lib, saqlanishida zarur sharoit yaratilganda aprel, hattoki may oyigacha ham daromad manbai bo‘lishi mumkin.
Bugungi kunga qadar mamlakat hududida 10 ga yaqin qadoqlovchi korxona, 100 dan ortiq bog‘ va issiqxona Xitoy fitosanitariya xizmati talabiga javob berishi aniqlangan.
2022-yil boshidan buyon O‘zbekistondan 3 ming tonnaga yaqin, 2,9 million dollarga teng bo‘lgan limon eksport qilingan.
Bugungi kunda mahsulotni Hindiston, Yaponiya, Myanma, Latviya, Gana, Birlashgan Arab Amirliklari, Pokiston, Mustaqil Davlatlar Hamdo‘stligi mamlakatlariga eksport qilish mumkin.
Eksportbop mahsulotni yetishtirishda alohida tavsiyalarga rioya etish maqsadga muvofiq. Eng avvalo, sitrus mevani karantin osti zararkunandalaridan asrash muhim.
Izoh (0)