AQSHda hozirda hashamatli avtomobillarni sotib olayotgan amerikaliklar soni eng yuqori darajaga yetdi. Bu haqda The Wall Street nashri yozmoqda.
Amerikaliklar pandemiya davrida pulni tejashga muvaffaq bo‘lishdi va yuqori daromadli iste’molchilar boyishni boshladi.
So‘nggi yillarda BMW, Mercedes-Benz va Tesla kabi ishlab chiqaruvchilar tomonidan sotiladigan yangi avtomobillar ulushi barqaror ravishda oshib bormoqda.
Agar 2019-yilda bir necha yillik o‘sishdan so‘ng hashamatli avtomobillar butun AQSH avtomobil bozorining 14,1 foizini tashkil qilgan bo‘lsa, joriy yilning iyun oyida u 17,3 foizga yetdi.
Super-premium avtomobillar — Lamborghini, Bentley va Ferrari sotuvi ham o‘sib bormoqda. Yil boshidan iyulgacha bu turdagi 6,7 ming dona avtomobil sotilgan. Bu besh yil oldingi shu davrga qaraganda 35,6 foizga ko‘pdir.
Kelley Blue Book tadqiqot kompaniyasining hisob-kitoblariga ko‘ra, so‘nggi bir necha yil ichida premium avtomobillar savdosi rekord darajada bo‘lgan. 2021-yilda ushbu avtomobillardan 2,48 million dona sotilgan.
Bu o‘tgan yilga nisbatan 13,2 foizga ko‘pdir. Oddiy avtomobillar savdosi esa o‘sha davrda atigi 1,7 foizga o‘sdi.
Izoh (0)