Irlandiyaning ma’lumotlarni himoya qilish bo‘yicha regulyatori DPS Instagram ijtimoiy tarmog‘iga rekord darajadagi 405 million yevro jarima soldi. Bu haqda Reuters xabar bermoqda.
Rekord miqdordagi ushbu jarima bolalar haqidagi ma’lumotlarni qayta ishlash bo‘yicha tekshiruv natijasi bo‘ldi, — dedi nazorat organi vakili.
Ijtimoiy tarmoq ustidan tergov 2020-yilda boshlangan. Irlandiya regulyatori 2021-yil dekabr oyida Instagram tekshiruvi bo‘yicha yakuniy qaror loyihasi ustida ishlashni yakunladi.
U yirik transmilliy korporatsiyalarni tartibga solish bo‘yicha yagona oynaning bir qismi sifatida uni Yevropa Ittifoqining boshqa tartibga soluvchi organlari bilan bo‘lishdi.
DPC vakilining aytishicha, regulyator yakuniy qarorni o‘tgan juma, 2-sentabr kuni qabul qilgan. Qarorning to‘liq matni sentabr oyi o‘rtalariga qadar e’lon qilinadi.
Instagram jarima ustidan shikoyat qilishni rejalashtirmoqda, — dedi Meta vakili elektron pochta orqali.
Meta matbuot kotibining qo‘shimcha qilishicha, Instagram o‘z sozlamalarini bir yildan ko‘proq vaqt oldin yangilagan va o‘shandan buyon o‘smirlarning xavfsizligi va shaxsiyligini ta’minlash uchun yangi funksiyalarni ishga tushirgan.
DPC Facebook, Apple, Google va boshqa texnologiya gigantlari faoliyatini tartibga soladi — ularning Yevropa Ittifoqidagi bosh qarorgohi Irlandiyada joylashgan.
Izoh (0)