Toshkent markazidagi 68 xonali bino 23 mlrd so‘mga auksionga qo‘yilgani haqida xabar berilgan edi. “E-auksion” portalida ma’lumotlarga ko‘ra bino sotilgan.
Lot auksionga iqtisodiy sudlar hukmi bilan Chilonzor tumani MIB tomonidan joylashtirilgan edi.
Yer uchastkasining umumiy maydoni — 0,13 gektar. Binoning maydoni — 3 684 kvadrat metr. Unda gaz, suv, elektr ta’minoti va kanalizatsiya tizimi mavjud.
Bino 5-sentabr kuni 23,4 mlrd so‘mga sotildi. Auksion g‘olibi sifatida ustav fondi 55 mln so‘m bo‘lgan “Qadir Textile Group LLC” kompaniyasi ko‘rsatilgan.
Avvalroq Toshkentdagi qarzdor oila yashovchi hovli MIB tomonidan 2 mlrd so‘mga auksionga qo‘yilgani xabar berilgan edi.
Izoh (0)