АҚШда ҳозирда ҳашаматли автомобилларни сотиб олаётган америкаликлар сони энг юқори даражага етди. Бу ҳақда The Wall Street нашри ёзмоқда.
Америкаликлар пандемия даврида пулни тежашга муваффақ бўлишди ва юқори даромадли истеъмолчилар бойишни бошлади.
Сўнгги йилларда BMW, Mercedes-Benz ва Tesla каби ишлаб чиқарувчилар томонидан сотиладиган янги автомобиллар улуши барқарор равишда ошиб бормоқда.
Агар 2019 йилда бир неча йиллик ўсишдан сўнг ҳашаматли автомобиллар бутун АҚШ автомобиль бозорининг 14,1 фоизини ташкил қилган бўлса, жорий йилнинг июнь ойида у 17,3 фоизга етди.
Супер-премиум автомобиллар — Lamborghini, Bentley ва Ferrari сотуви ҳам ўсиб бормоқда. Йил бошидан июлгача бу турдаги 6,7 минг дона автомобиль сотилган. Бу беш йил олдинги шу даврга қараганда 35,6 фоизга кўпдир.
Kelley Blue Book тадқиқот компаниясининг ҳисоб-китобларига кўра, сўнгги бир неча йил ичида премиум автомобиллар савдоси рекорд даражада бўлган. 2021 йилда ушбу автомобиллардан 2,48 миллион дона сотилган.
Бу ўтган йилга нисбатан 13,2 фоизга кўпдир. Оддий автомобиллар савдоси эса ўша даврда атиги 1,7 фоизга ўсди.
Изоҳ (0)