Inflyatsiyaning o‘sishi va bozor o‘zgaruvchanligi bilan bog‘liq xavotirlar ortib borayotganligi sababli, Osiyoning badavlat insonlari pul bilan munosabatlarida ehtiyotkorlashmoqda. Bu haqda Bloomberg xabar berdi.
Lombard Odiyerning 2022-yildagi Osiyo-Tinch okeani mintaqasidagi yuqori daromadli shaxslar haqidagi tadqiqotida 1 million dollardan ortiq investitsiya qilinadigan mablag‘lari bo‘lgan odamlar o‘z aktivlarini bozor o‘zgaruvchanligidan himoya qilish uchun xususiy bozorlarga o‘tmoqda.
Ular o‘zining kompaniyalariga yoki oltin va naqd pul kabi xavfsizroq hisoblangan aktivlarga e’tibor qaratish uchun aksiya va obligatsiyalardan tobora ko‘proq voz kechmoqda. Shu bilan birga, ular kriptovalyutalardan asta-sekin uzoqlashmoqda.
Bloomberg Billionaires Index ma’lumotlariga ko‘ra, o‘sib borayotgan inflyatsiya 2022-yilning birinchi yarmida dunyodagi 500 ta eng badavlat kishining umumiy boyligidan 1,4 trillion dollarni yo‘qotishiga sabab bo‘ldi.
Shveysariya bankining ta’kidlashicha, past likvidlik xavotirlari, ayniqsa keksa avlodlarning xususiy aktivlarga bo‘lgan ishtiyoqini oshirmoqda.
Singapur va Avstraliyadagi boylar bu tendensiyada yetakchilik qilmoqda — ularning 60 foizga yaqini xususiy bozorlarga ajratmalarini oshirishni rejalashtirmoqda.
Mavzuga doir: O‘zbekistonda obligatsiyalar: ular o‘zi nima va qanday maqsadlarda chiqariladi?
Izoh (0)