Neft narxi urushdan beri ilk bor 90 dollardan pasaydi

7-sentabr oqshomida Londonning ICE birjasida Brent markali neft narxi bir barrel uchun 89 dollardan pastladi. 

Bu 3-fevraldan beri birinchi marta sodir bo‘ldi. AQSHning WTI markasi 25-yanvardan beri birinchi marta barreliga 85 dollardan pastga tushdi.

Toshkent vaqti bilan 18:35 holatiga ko‘ra Brent 4,21 foizga tushib, bir barrel uchun 88,92 dollargacha arzonladi. 

2022-yil oktabr oyida yetkazib beriladigan WTI neftining fyucherslari 3,97 foizga pasayib, bir barrel uchun 83,43 dollarga tushdi.

Oxirgi marta Brent markali neft narxining sezilarli darajada pasayishi 1-sentabrda qayd etilgan edi. Keyin bir kun ichida u taxminan 4 foiz narxini yo‘qotdi. 

ICE birjasida noyabr fyucherslari narxi 17-avgustdan beri birinchi marta bir barrel uchun 91,95 dollargacha arzonlashdi.

Avgust oyi boshida neft narxi yetkazib berishning qisqarishi mumkinligi fonida ko‘tarildi. Bu OPEK+ ishlab chiqarish hajmining qisqarishi mumkinligi haqidagi xabarlardan keyin sodir bo‘ldi.

Avvalroq Saudiya Arabistoni oktabrda Osiyo uchun neft narxini pasaytirmoqchi ekanligi haqida xabar berilgan edi.