“PSJ” hujumchisi Kilian Mbappe “Yuventus”ga qarshi o‘yinda (2:1) dubl qayd etdi.
Fransiyalik futbolchi Chempionlar Ligasida 23 yosh-u 260 kunlik vaqtida 35 ta gol urishga muvaffaq bo‘ldi. Bu musobaqa tarixidagi eng yaxshi natija.
Mbappe bu borada jamoadoshi Lionel Messini ortda qoldirdi. Argentinalik 35 gollik marrani 23 yosh-u 307 kunlik vaqtida bosib o‘tgandi.
Ulardan keyingi o‘rinlarda Raul (25 yosh-u 82 kunlik), Karim Benzema (26 yosh-u 69 kunlik), Tomas Myuller (26 yosh-u 185 kunlik) va Krishtianu Ronaldu (27 yosh-u 59 kunlik) bormoqda.
Kilian 2022/23-yilgi mavsum barcha musobaqalarda 6 ta o‘yinda ishtirok etib, 9 ta golga mualliflik qildi.
Izoh (0)