Futbol bo‘yicha O‘zbekiston U-20 terma jamoasi Urugvay mezbonligida o‘tayotgan Moldonado Cup—2022 xalqaro o‘rtoqlik musobaqasidagi ishtirokini boshladi.
Ravshan Haydarov shogirdlari dastlabki turda mezbonlarga qarshi maydonga tushdi.
Uchrashuvning 7-daqiqasida Urugvay futbolchisi Renso Sanches hisobni ochdi. 19-daqiqada Ignasio Lemo maydon egalarining ikkinchi golini urdi.
Bunga o‘zbekistonlik futbolchilar 34-daqiqada Nodir Abdurazzoqovning goli bilan javob qaytardi. Birinchi bo‘lim yakunlanishi arafasida Fabrisio Dias penaltini aniq amalga oshirgan holda yakuniy hisobni o‘rnatdi.
O‘zbekiston U-20 terma jamoasi keyingi turlarda Braziliya va Argentinaga qarshi o‘ynaydi.
Moldonado Cup—2022
7-sentabr, chorshanba
Urugvay U-20 — O‘zbekiston U-20 3:1
Gollar: 1:0 – 7 Sanches, 2:0 – 19 Lemo, 2:1 – 34 Abdurazzoqov, 3:1 – 42, penalti Dias.O‘zbekiston U-20: Humoyunshoh Sayyodov, Izzat Po‘latov, Saidafzalxon Ahrorov, Abubakr Ashurov, Diyor Ortiqboyev, Jahongir O‘rozov, Po‘latxo‘ja Xoldorxonov, Behruz Asqarov, Umarali Rahmonaliyev, Nodir Abdurazzoqov, Aziz Xolmurodov.
Izoh (0)