YCHL. “PSJ” “Yuventus”ni mag‘lub etdi, “Real” va “Manchester Siti”da yirik g‘alaba, “Milan” ochko yo‘qotdi
Futbol bo‘yicha Yevropa Chempionlar Ligasining 1-turidan o‘rin olgan bir qator uchrashuvlar 6-sentabr, seshanba kuni bo‘lib o‘tdi.
E guruhida “Milan” “Zalsburg” mehmoni bo‘ldi. Uchrashuvning 28-daqiqasida Noa Okafor hisobni ochdi. Birinchi bo‘lim so‘ngida Aleksis Salemakers muvozanatni tikladi. O‘yinning qolgan daqiqalarida darvozalar ishg‘ol etilmadi va uchrashuv durang natija bilan yakunlandi.
F guruhida esa “Real” “Seltik” bilan bahs olib bordi va 3:0 hisobida zafar quchdi. Madridliklar safida Vinisius Junior, Luka Modrich va Eden Azar o‘z hisobiga gol yozdirib qo‘ydi. Guruhning ikkinchi o‘yinida “Shaxtyor” “Leypsig” ustidan 4:1 hisobida g‘alaba qozondi.
G guruhida “Manchester Siti” “Sevilya”ni sinovdan o‘tkazdi. “Shaharliklar” safida Fil Foden va Ruben Diash bittadan gol urgan bo‘lsa, Erling Holand dublni rasmiylashtirdi.
H guruhida esa turning markaziy o‘yini bo‘lib o‘tdi. “PSJ” o‘z maydonida “Yuventus”ni qabul qildi. Parijliklar Kilian Mbappening dubli evaziga g‘alaba qozondi. Turinliklar safida Uiston Mekkenni hisobni qisqartirishga muvaffaq bo‘ldi.
“Benfika” “Makkabi” bilan bahs olib bordi va raqibini 2:0 hisobida mag‘lubiyatga uchratdi.
YChL
1-tur bahslari
6-sentabr, seshanba
“PSJ” – “Yuventus” 2:1
Gollar: 1:0 – 5 Mbappe, 2:0 – 22 Mbappe, 2:1 – 53 Makkenni.“PSJ”: Donnarumma, Hakimi (Mukiele, 78), Ramos, Markinyos, Kimpembe, Mendesh, Verratti (Sanshesh, 87), Vitinya (Danilu Pereyra, 78), Messi (Soler, 84), Neymar, Mbappe.
“Yuventus”: Perin, Bonuchchi, Danilo, Bremer, Kuadrado (De Shilyo, 74), Kostich, Paredes, Rabyo (Kin, 87), Miretti (Makkenni, 46), Milik (Lokatelli, 68), Vlaxovich.
Ogohlantirishlar: Bremer (25), Ramos (25), Miretti (45), Verratti (65), Danilo (73).
“Seltik” – “Real” 0:3
Gollar: 0:1 – 56 Vinisius Junior, 0:2 – 60 Modrich, 0:3 – 77 Azar.“Seltik”: Hart, Yuranovich, Karter-Vikers, Yens, Teylor, Makgregor, O’Rayli (Muy, 72), Hatate (Ternbull, 72), Yakumakis (Furuhasi, 72), Jota (Hakshabanovich, 82), Abada (Maeda, 46).
“Real Madrid”: Kurtua, Karvaxal, Alaba, Militao (Ryudiger, 46), Mendi, Modrich (Asensio, 80), Kroos, Tchuameni (Kamavinga, 71), Valverde, Benzema (Azar, 30), Vinisius Junior (Rodrigo, 80).
Ogohlantirishlar: Mendi (10), Maeda (64).
“Sevilya” – “Manchester Siti” 0:4
Gollar: 0:1 – 20 Holand, 0:2 – 58 Foden, 0:3 – 67 Holand, 0:4 – 90 Ruben Diash.“Sevilya”: Bunu, Navas, Nyanzu, Karmona, Akunya, Telles (Dol'berg, 57), Rakitich (Rafa Mir, 46), Dileyni (Jordan, 46), Gudel', Gomes (Suso, 73), Isko (Yanuzay, 78).Manchester Siti – Ederson, Joau Kanselu, Ruben Diash, Akandji, Serxio Gomes, de Bryuyne (Mahrez, 78), Bernardu Silva, Rodri (Fillips, 78), Grilish (Gyundo‘g‘an, 62), Foden (Palmer, 70), Holand (Alvares, 70).
Ogohlantirish: Rafa Mir (89).
“Zalsburg” – “Milan” 1:1
Gollar: 1:0 – 28 Okafor, 1:1 – 40 Salemakers.“Zalsburg”: Ken, Dedich, Sole (Bernardo, 42), Pavlovich, Ulmer, Zayvald, Kapaldo, Kergor, Kameri (Gurna-Duat, 65), Okafor (Adamu, 90), Fernando Pedro (Sheshko, 65).
“Milan”: Menyan, Kalabriya (Dest, 57), Tomori, Kalulu, Ernandes, Bennaser (Pobega, 57), Salemakers (Junior Messias, 80), Tonali, de Ketelare (Braim Dias, 70), Jiru (Origi, 57), Rafael Leau.
Ogohlantirishlar: Kapaldo (17), Tomori (38), Kalabriya (44), Gurna-Duat (68), Braim Dias (89), Origi (90).
