“Chelsi” Chempionlar Ligasi guruh bosqichining 1-turida “Dinamo” Zagrebga 0:1 hisobida imkoniyatni boy berdi.
Bu Tomas Tuxel uchun londonliklar bosh murabbiyi sifatida barcha musobaqalardagi 100-o‘yinga aylandi.
Nemis mutaxassisi qo‘l ostida “Chelsi” dastlabki 50 o‘yinda 24 ta gol o‘tkazib yuborgan bo‘lsa, keyingi 50 talikda 53 ta golni o‘z darvozasidan olib chiqdi.
London klubi safar o‘yinlarida ketma-ket uch marta yutqazdi. Bunaqasi Tuxel qo‘l ostida ilk bor kuzatildi. Avvalroq jamoa “Sauthempton” (1:2) va “Lids” (0:3) maydonlaridagi o‘yinlarda yutqazgandi.
Tuxel “aristokratlar” bilan 2020/21-yilgi mavsum Chempionlar Ligasi, UEFA Superkubogi va Klublar o‘rtasidagi Jahon Chempionati sovrinini qo‘lga kiritgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)