Vladimir Putinning fikricha, Rossiya Ukrainada urush boshlash bilan hech narsa yo‘qotmagan, faqat o‘z suverenitetini mustahkamlagan. Bu haqda Rossiya prezidenti 7-sentabr kuni Vladivostokda bo‘lib o‘tgan Sharqiy iqtisodiy forumning yalpi majlisida gapirdi.
24-fevraldan keyin Rossiya nima yutdi, nima yo‘qotdi, degan savolga javob berar ekan, u shunday dedi:
Biz hech narsa yo‘qotganimiz yo‘q. Hech narsa yo‘qotmaymiz ham. Asosiy yutuq — suverenitetimizni mustahkamlash. Ha, ma’lum bir qutblanish bo‘lyapti, lekin dunyo bo‘ylab ham, mamlakat ichida ham bu faqat foydali ekaniga ishonaman. Chunki keraksiz, zararli va olg‘a siljishimizga to‘sqinlik qiladigan narsalarning barchasi bostiriladi, biz jadallikka, rivojlanish sur’atiga ega bo‘lamiz, chunki zamonaviy taraqqiyot faqat suverenitetga asoslanishi mumkin. Bu boradagi barcha qadamlarimiz suverenitetni mustahkamlashga qaratilgan.Putin Ukrainadagi jangovar harakatlar 2014-yilda “davlat to‘ntarishidan so‘ng, o‘z xalqini bostirishga intilganlar birin-ketin harbiy amaliyotlar o‘tkazib, Donbassda yashovchi xalqni genotsidga duchor qilishi” bilan boshlanganini yana bir bor ta’kidladi.Ikkinchi va eng muhimi. Buni yana bir bor ta’kidlamoqchiman. Bu tez-tez aytiladi. Biz harbiy harakatlar nuqtayi nazaridan hech narsani boshlamadik, faqat tugatishga harakat qilyapmiz”,— dedi Rossiya prezidenti.
Putinning so‘zlariga ko‘ra, Rossiya vaziyatni tinch yo‘l bilan hal qilishga bo‘lgan bir qancha urinishlaridan keyin “ataylab” muammoni “qurol kuchi bilan” yechishga qaror qilgan.
Bizning barcha harakatlarimiz Donbassda yashovchi odamlarga yordam berishga qaratilgan, bu bizning burchimiz va biz buni oxirigacha bajaramiz”, — dedi Rossiya prezidenti.
Izoh (0)