Владимир Путиннинг фикрича, Россия Украинада уруш бошлаш билан ҳеч нарса йўқотмаган, фақат ўз суверенитетини мустаҳкамлаган. Бу ҳақда Россия президенти 7 сентябрь куни Владивостокда бўлиб ўтган Шарқий иқтисодий форумнинг ялпи мажлисида гапирди.
24 февралдан кейин Россия нима ютди, нима йўқотди, деган саволга жавоб берар экан, у шундай деди:
Биз ҳеч нарса йўқотганимиз йўқ. Ҳеч нарса йўқотмаймиз ҳам. Асосий ютуқ — суверенитетимизни мустаҳкамлаш. Ҳа, маълум бир қутбланиш бўляпти, лекин дунё бўйлаб ҳам, мамлакат ичида ҳам бу фақат фойдали эканига ишонаман. Чунки кераксиз, зарарли ва олға силжишимизга тўсқинлик қиладиган нарсаларнинг барчаси бостирилади, биз жадалликка, ривожланиш суръатига эга бўламиз, чунки замонавий тараққиёт фақат суверенитетга асосланиши мумкин. Бу борадаги барча қадамларимиз суверенитетни мустаҳкамлашга қаратилган.Путин Украинадаги жанговар ҳаракатлар 2014 йилда «давлат тўнтаришидан сўнг, ўз халқини бостиришга интилганлар бирин-кетин ҳарбий амалиётлар ўтказиб, Донбассда яшовчи халқни геноцидга дучор қилиши» билан бошланганини яна бир бор таъкидлади.Иккинчи ва энг муҳими. Буни яна бир бор таъкидламоқчиман. Бу тез-тез айтилади. Биз ҳарбий ҳаракатлар нуқтаи назаридан ҳеч нарсани бошламадик, фақат тугатишга ҳаракат қиляпмиз»,— деди Россия президенти.
Путиннинг сўзларига кўра, Россия вазиятни тинч йўл билан ҳал қилишга бўлган бир қанча уринишларидан кейин «атайлаб» муаммони «қурол кучи билан» ечишга қарор қилган.
Бизнинг барча ҳаракатларимиз Донбассда яшовчи одамларга ёрдам беришга қаратилган, бу бизнинг бурчимиз ва биз буни охиригача бажарамиз», — деди Россия президенти.
Изоҳ (0)