Shri-Lanka tashqi ishlar vaziri Ali Sabri, prezident vakolatlarini qisqartirish to‘g‘risidagi qonun loyihasi bir necha hafta ichida kuchga kirishi kutilayotganini ma’lum qildi. Bu haqda “Al-Arabiya” nashri xabar bermoqda.
Konstitutsiyaga o‘zgartirish kiritish prezident vakolatlarini qisqartiradi, — deydi Sabri.Ushbu loyiha qonunga aylanishi uchun palatadagilarning uchdan ikki qismining ovozini talab qiladi. U barqarorlikni mustahkamlash va mamlakatda so‘nggi o‘n yilliklardagi eng yomon moliyaviy inqiroz tufayli yuzaga kelgan tartibsizliklarni bartaraf etishga yordam berish uchun taklif qilingan.
Inqiroz iyul oyida noto‘g‘ri iqtisodiy boshqaruvda ayblangan sobiq prezident Gotabaya Rajapaksa mamlakatni tark etib, iste’foga chiqqanidan so‘ng uning o‘rniga Ranil Vikremesingxe kelganida avj oldi.
Taklif etilayotgan o‘zgartirishga ko‘ra, boshqaruvni takomillashtirish bo‘yicha konstitutsiyaviy kengash va to‘qqizta mustaqil komissiya tashkil etiladi. Komissiyalar inson huquqlarini ilgari surish, davlat idoralari ustidan nazoratni va pul o‘g‘irligiga qarshi tergovni kuchaytirishga harakat qiladi.
Shuningdek, Tashqi ishlar vaziri, kelgusi haftada boshlanadigan Birlashgan Millatlar Tashkilotining Inson huquqlari bo‘yicha kengashi sessiyasi oldidan, Shri-Lanka Tamil yo‘lbarsi jangarilariga qarshi kurash paytida huquqlar buzilgani haqidagi dalillarni to‘plash uchun har qanday xalqaro urinishlarga qarshi turishini aytdi.
Pozitsiyamiz juda aniq. Biz xalqaro hamjamiyatning faol ishtirokchisimiz va buni barcha ko‘p tomonlama sheriklarimiz bilan muhokama qilish niyatidamiz. Ammo har qanday “tashqi mexanizmga rozi ham emasmiz, chunki Konstitutsiyamiz bunga yo‘l qo‘ymaydi, — degan Ali Sabri.Mavzuga doir: Shri-Lanka parlamenti bosh vazir Vikramasingxeni mamlakatning yangi prezidenti etib sayladi
Izoh (0)