Rossiya prezidenti matbuot kotibi Dmitriy Peskovning hujumni qoralab bayonot berishicha, Rossiyaning Afg‘onistondagi elchixonasiga uyushtirilgan va diplomatik missiyaning ikki xodimining o‘limiga sabab bo‘lgan hujum Kreml tomonidan terrorchilik harakati sifatida baholanmoqda. Bu haqda “Kommersant” xabar berdi.
Albatta, biz terrorchilik harakati haqida fikr yurityapmiz. Buni umuman shunchaki qabul qilib bo‘lmaydi. Biz bunday terrorchilik harakatlarini keskin qoralaymiz. Endi qilinishi kerak bo‘lgan asosiy narsa – vakillarimiz va diplomatlarimiz bilan sodir bo‘lgan voqea bo‘yicha joylardan aniq va batafsil ma’lumot olish”, — degan Peskov matbuot muloqoti chog‘ida.Avvalroq, Rossiya TIV Kobuldagi Rossiya elchixonasi yaqinida yuz bergan portlash natijasida Rossiya diplomatik missiyasining ikki xodimi halok bo‘lganini tasdiqlagan edi.
Al Arabiya xabariga ko‘ra, hujumni xudkush-terrorchi amalga oshirgan.
Izoh (0)